Sextortion ໄພອັນຕະລາຍ ໃນການຂົ່ມຂູ່ທາງເພດ ເພື່ອຮຽກຄ່າໄຖ່ ເທິງໂລກໄຊເບີ
Sextortion ໄພຂົ່ມຂູ່ທາງເພດ ເພື່ອຮຽກຄ່າໄຖ່ ເທິງໂລກໄຊເບີ
- ຖືກແຟນເກົ່າຂົ່ມຂູ່ວ່າ ຈະເອົາຮູບພາບສ່ວນຕົວ ທີ່ເຄີຍຖ່າຍໄວ້ ໃນຕອນເວລາທີ່ຍັງຢູ່ນໍາກັນ ໄປເຜີຍແຜ່ເທິງໂລກອອນລາຍ ໂດຍຮຽກຄ່າໄຖ່ເປັນເງິນ ເພື່ອແລກປ່ຽນກັບການບໍ່ເຜີຍແຜ່ຮູບດັ່ງກ່າວ;
- ໄວລຸ້ນຍິງຄົນໜຶ່ງເປີດກ້ອງສະແດງການເຮັດກິດຈະກຳທາງເພດ ແລ້ວຖືກຄົນອີກຝ່າຍໜຶ່ງ ບັນທຶກຄລິບວີດີໂອໄວ້ ແລ້ວຂົ່ມຂູ່ວ່າ ຈະນຳເອົາວິດີໂອ ດັ່ງກ່າວ ໄປປະຈານ ຖ້າຫາກບໍ່ສົ່ງຄລິບວີດີໂອໃໝ່ໄປໃຫ້ອີກ ຫຼື ນັດພົບກັນ;
ການຂົ່ມຂູ່ທາງເພດ ເພື່ອຮຽກຄ່າໄຖ່ ເຫຼົ່ານີ້ ເອີ້ນວ່າ “Sextortion”
ການຂົ່ມຂູ່ທາງເພດ ເພື່ອຮຽກຄ່າໄຖ່ ອາດຈະເລີ່ມຕົ້ນຈາກການເຂົ້າມາເປັນໝູ່ເພື່ອນຜ່ານຊ່ອງທາງຕ່າງໆ ແລະ ຊວນເຮັດກິດຈະກຳທາງເພດ ຜ່ານທາງອອນລາຍ ກິດຈະກຳທີ່ກ່າວມານັ້ນປະກອບດ້ວຍການເປີດກ້ອງເຊິ່ງກັນ ແລະ ກັນ ເຈົ້າເປີດກ້ອງຂອງເຈົ້າ ຂ້ອຍເປີດກ້ອງຂອງຂ້ອຍ ຝ່າຍທີ່ມາຕົວະມັກຈະເປັນຄົນເລີ່ມກ່ອນ ເພື່ອໃຫ້ເຫື່ຍອຕາຍໃຈ ແລະ ຕົກລົງເຮັດຕາມຕົນເອງໄດ້ໂດຍງ່າຍດາຍ ເມື່ອເຫື່ຍອເຮັດຕາມຕົນເອງແລ້ວ ບໍ່ວ່າຈະເປັນການເປີດເຜີຍອະໄວຍະວະສ່ວນໃດກໍ່ຕາມ ທີ່ເຮົາປົກປິດໄວ້, ການເຕັ້ນເຊີນຊວນ, ການສະແດງຮ່າງກາຍ ຫຼື ການສໍາເລັດຄວາມຕ້ອງການທາງອາລົມ ໂດຍມີກ້ອງຢູ່ທາງດ້ານໜ້າ ເຮັດໜ້າທີ່ຖ່າຍທອດສົດ ທັງພາບ ແລະ ສຽງ ໄປຫາອີກຝ່າຍໜຶ່ງ ຜູ້ປະສົງຮ້າຍຈະບັນທືກພາບວີດີໂອດັ່ງກ່າວໄວ້ ແລ້ວນຳມາຂົ່ມຂູ່ວ່າ ຈະເຜີຍແຜ່ຄລິບວີດີໂອດັ່ງກ່າວ ແລກປ່ຽນກັບການສົ່ງຄລິບວີດີີີີີໂອໃໝ່ໆ ຫຼື ການໂອນເງິນຄ່າໄຖ່ໄປໃຫ້.
ຫຼາຍເທື່ອທີ່ເຫື່ຍອຢ້ານເສຍຊື່ສຽງ ຈຶ່ງຍອມເຮັດຕາມທີ່ອີກຝ່າຍຕ້ອງການ ແຕ່ການຂົ່ມຂູ່ກັນມັນບໍ່ໄດ້ຈົບພຽງແຕ່ເທົ່ານັ້ນ ຜູ້ປະສົງຮ້າຍມັກຈະຮຽກຮ້ອງຄ່າເສຍຫາຍ ຫຼາຍເທົ່າທີ່ຈະຫຼາຍໄດ້ ເຊັ່ນ: ຂໍໃຫ້ສົ່ງຮູບພາບໄປໃຫ້ອີກ, ຂໍໃຫ້ເປີດກ້ອງເຮັດຄືທີ່ຜ່ານມາອີກ ຈົນເຖິງການນັດພົບກັນ ແລະ ບັງຄັບໃຫ້ເຫຍື່ອ ຮ່ວມຫຼັບນອນນໍາຕົນເອງ ແລະ ແນ່ນອນວ່າ ຖ້າຫາກເຫຍື່ອຫຼົງເຊື່ອ ກໍ່ຈະນຳໄປສູ່ການສູນເສຍ ທີ່ເພີ່ມຫຼາຍຂຶ້ນ ບໍ່ວ່າຈະເປັນຮູບພາບ ທີ່ສ້າງຄວາມເສຍຫາຍຫຼາຍຂຶ້ນ, ເສຍຊື່ສຽງຫຼາຍຂຶ້ນ, ເສຍເງິນຫຼາຍກວ່າເກົ່າ, ເສຍຕົວເພາະໄປຕາມການນັດພົບກັນ ຍິ່ງເຮັດໃຫ້ເກີດຄວາມເສຍຫາຍຫຼາຍກວ່າເກົ່າ ຖ້າຖືກບັນທຶກຄລິບວີດີໂອໄວ້ພ້ອມ ແລະ ອາດຈະສົ່ງຜົນເຖິງສະພາບຈິດໃຈກໍ່ຄື ເຫຍື່ອຈະຮູ້ສຶກວ່າຕົນເອງບໍ່ມີຄຸນຄ່າ, ມີຄວາມຜິດ, ຖືກປະຈານ, ເກີດຄວາມລະແວງ ແລະ ເກີດບາດແຜຂຶ້ນໃນຈິດໃຈ.
ການປ້ອງກັນ ໃນການຂົ່ມຂູ່ທາງເພດ ເພື່ອຮຽກຄ່າໄຖ່ ສາມາດເຮັດໄດ້ແຕ່ເລີ່ມພິຈາລະນາເລືອກຮັບໝູ່ເພື່ອນ ເທິງໂລກອອນລາຍ ເຂົ້າມາໃນຊີວິດ, ໃຫ້ລະມັດລະວັງການຖືກຫຼອກລວງ ເຖິງແມ່ນວ່າ ບາງຄັ້ງຈະເປັນໝູ່ຕໍ່ໝູ່ ກໍ່ຄວນກວດສອບໃຫ້ຊັດເຈນກ່ອນ ວ່າມີຕົວຕົນແທ້ ຫຼື ບໍ່ ແລະ ເປັນໝູ່ເພື່ອນແທ້ໆ ຫຼື ບໍ່ ເມື່ອຮັບໝູ່ເພື່ອນແປກໜ້າແລ້ວ ການສົນທະນາ ແລະ ສົ່ງຮູບພາບໃດກໍ່ຕາມ ຄວນຄິດໃຫ້ຮອບຄອບເສຍກ່ອນ ຕ້ອງຈົດຈໍາໄວ້ວ່າ ບໍ່ຄວນສົ່ງຮູບພາບສ່ວນຕົວໄປໃຫ້ໃຜເບິ່ງທາງອອນລາຍ ເພາະເຖິງແມ່ນວ່າ ຈະເປັນໝູ່ຮັກແພງກັນ ຫຼື ຄົນຮັກກັນ ມື້ໃດມື້ໜື່ງເມື່ອເລີກລາ ຫຼຶ ຜິດໃຈກັນ ຄລິບວີດີໂອ ຫຼື ຮູບພາບສ່ວນຕົວ ກໍ່ອາດຈະຖືກນຳມາປະຈານໄດ້ທຸກເມື່ອ ເຖິງແມ່ນວ່າ ໝູ່ເພື່ອນ ຫຼື ຄົນຮັກເຮົາ ຈະບໍ່ແມ່ນຜູ້ປະສົງຮ້າຍກໍ່ຕາມ.
ເມື່ອຕົກເປັນເຫື່ຍອ Sextortion ຄວນເຮັດແນວໃດ
ຫາກຕົກເປັນເຫຍື່ອໄປແລ້ວ ບໍ່ຄວນສົ່ງເງິນ ຫຼື ເຮັດຕາມທີ່ຜູ້ປະສົງຮ້າຍບັງຄັບໃຫ້ເຮົາເຮັດ ເພາະຈະຍິ່ງເຮັດໃຫ້ຜູ້ປະສົງຮ້າຍໄດ້ເຄື່ອງມືໃນການຂົ່ມຂູ່ເພີ່ມຂຶ້ນຕື່ມ ຄວນປຶກສາຄົົນທີ່ເຮົາໄວ້ວາງໃຈ ແລະ ສາມາດຊ່ວຍເຫຼືອເຮົາໄດ້ ເພື່ອເກັບສັງລວມຂໍ້ມູນໃນການຂົ່ມຂູ່ ຊື່ບັນຊີ ແລະ ລາຍລະອຽດຂອງຄົົນ ທີ່ຂົ່ມຂູ່ເຮົາໄວ້ ເພື່ອແຈ້ງຄວາມດຳເນີນຄະດີ ນອກຈາກ ເພື່ອປ້ອງກັນຕົວເອງແລ້ວ ຍັງຊ່ວຍປ້ອງກັນ ບໍ່ໃຫ້ຜູ້ອື່ນຕົກເປັນເຫື່ຍອໄດ້ອີກດ້ວຍ.
ການເກັບກໍາຫຼັກຖານ ເພື່ອແຈ້ງຄວາມດຳເນີນຄະດີ
ໃນການເກັບກໍາຫຼັກຖານ ເພື່ອແຈ້ງຄວາມ ໃຫ້ເກັບກໍາຂໍ້ມູນ ຫຼື ຂໍ້ຄວາມ ທີ່ສົນທະນາກັນທັງໝົດ, ເກັບຮູບໂປຣໄຟລ໌, ຊື່ບັນຊີ ຫຼື ID ຕ່າງໆ ທີ່ສະແດງ ຫຼື ຢັ້ງຢືນຕົວຕົນຂອງຜູ້ປະສົງຮ້າຍຜ່ານຊ່ອງທາງການຕິດຕໍ່ຕ່າງໆ, ບັນທຶກຮູບພາບ ຫຼື ຄລິບວີດີໂອ ທີ່ຖືກນຳໄປໃຊ້ ຖ້າຫາກເຫຍື່ອເຄີຍໂອນເງິນໃຫ້ຄົນຮ້າຍແລ້ວ ໃຫ້ເກັບກໍາຫຼັກຖານການໂອນເງິນໄວ້ພ້ອມ ລວມທັງໝາຍເລກໂທລະສັບ, ເລກບັນຊີ ແລະ ຊື່ເຈົ້າຂອງບັນຊີ.
ການແກ້ໄຂບັນຫາເບື້ອງຕົ້ນ
ຖ້າຫາກພົບເຫັນ ຮູບພາບ/ຄລິບ ສ່ວນຕົວຂອງເຮົາ ຖືກເຜີຍແຜ່ສູ່ສື່ສັງຄົມອອນລາຍ ເບື້ອງຕົ້ນໃຫ້ຫາວິທີແຈ້ງ (ລາຍງານ) ການລຶບຂໍ້ມູນດັ່ງກ່າວ ເຊັ່ນ: Facebook ຫຼື YouTube ສາມາດກົດແຈ້ງ (ລາຍງານ) ລຶບດ້ວຍຕົນເອງໄດ້ ຫາກພົບເຫັນໃນເວັບໄຊໃດກໍ່ຄວນແຈ້ງໃຫ້ຜູ້ເບິ່ງແຍງເວັບໄຊນັ້ນຊ່ວຍລຶບ ຊຶ່ງອາດຈະຕ້ອງສະແດງຫຼັກຖານປະກອບວ່າ ເຮົາຄືຜູ້ເສຍຫາຍແທ້ໆ.
ທາງດ້ານການຮັກສາຄວາມເສຍຫາຍທາງຈິດໃຈ ຄົນໃກ້ຊິດມີສ່ວນສຳຄັນຫຼາຍໃນການໃຫ້ກຳລັງໃຈ, ບໍ່ຄວນຊ້ຳເຕີມ ແລະ ສ້າງຄວາມເຂັ້ມແຂງໃຫ້ກັບເຫຍື່ອ, ຊວນເຮັດກິດຈະກຳສ້າງສັນ, ແບ່ງປັນ ອາດຈະເປັນວຽກງານການເປັນອາສາສະໝັກ ທີ່ເຮັດໃຫ້ເຫຍື່ອຮູ້ສຶກເຖິງຄຸນຄ່າຂອງຕົນເອງ, ບໍ່ໂທດຕົນເອງ, ມີຈິດໃຈທີ່ເຂັ້ມແຂງສາມາດດຳເນີນຊີວິດຕໍ່ໄປໄດ້ຢ່າງປົກກະຕິ.
ເອກະສານອ້າງອິງ:
1. https://www.etda.or.th/th/Knowledge-Sharing/Sextortion-in-IFBL.aspx?viewmode=0
Meesaisak 15 February 2021 5602 reads
Print
Sextortion ໄພຂົ່ມຂູ່ທາງເພດ ເພື່ອຮຽກຄ່າໄຖ່ ເທິງໂລກໄຊເບີ
- ຖືກແຟນເກົ່າຂົ່ມຂູ່ວ່າ ຈະເອົາຮູບພາບສ່ວນຕົວ ທີ່ເຄີຍຖ່າຍໄວ້ ໃນຕອນເວລາທີ່ຍັງຢູ່ນໍາກັນ ໄປເຜີຍແຜ່ເທິງໂລກອອນລາຍ ໂດຍຮຽກຄ່າໄຖ່ເປັນເງິນ ເພື່ອແລກປ່ຽນກັບການບໍ່ເຜີຍແຜ່ຮູບດັ່ງກ່າວ;
- ໄວລຸ້ນຍິງຄົນໜຶ່ງເປີດກ້ອງສະແດງການເຮັດກິດຈະກຳທາງເພດ ແລ້ວຖືກຄົນອີກຝ່າຍໜຶ່ງ ບັນທຶກຄລິບວີດີໂອໄວ້ ແລ້ວຂົ່ມຂູ່ວ່າ ຈະນຳເອົາວິດີໂອ ດັ່ງກ່າວ ໄປປະຈານ ຖ້າຫາກບໍ່ສົ່ງຄລິບວີດີໂອໃໝ່ໄປໃຫ້ອີກ ຫຼື ນັດພົບກັນ;
ການຂົ່ມຂູ່ທາງເພດ ເພື່ອຮຽກຄ່າໄຖ່ ເຫຼົ່ານີ້ ເອີ້ນວ່າ “Sextortion”
ການຂົ່ມຂູ່ທາງເພດ ເພື່ອຮຽກຄ່າໄຖ່ ອາດຈະເລີ່ມຕົ້ນຈາກການເຂົ້າມາເປັນໝູ່ເພື່ອນຜ່ານຊ່ອງທາງຕ່າງໆ ແລະ ຊວນເຮັດກິດຈະກຳທາງເພດ ຜ່ານທາງອອນລາຍ ກິດຈະກຳທີ່ກ່າວມານັ້ນປະກອບດ້ວຍການເປີດກ້ອງເຊິ່ງກັນ ແລະ ກັນ ເຈົ້າເປີດກ້ອງຂອງເຈົ້າ ຂ້ອຍເປີດກ້ອງຂອງຂ້ອຍ ຝ່າຍທີ່ມາຕົວະມັກຈະເປັນຄົນເລີ່ມກ່ອນ ເພື່ອໃຫ້ເຫື່ຍອຕາຍໃຈ ແລະ ຕົກລົງເຮັດຕາມຕົນເອງໄດ້ໂດຍງ່າຍດາຍ ເມື່ອເຫື່ຍອເຮັດຕາມຕົນເອງແລ້ວ ບໍ່ວ່າຈະເປັນການເປີດເຜີຍອະໄວຍະວະສ່ວນໃດກໍ່ຕາມ ທີ່ເຮົາປົກປິດໄວ້, ການເຕັ້ນເຊີນຊວນ, ການສະແດງຮ່າງກາຍ ຫຼື ການສໍາເລັດຄວາມຕ້ອງການທາງອາລົມ ໂດຍມີກ້ອງຢູ່ທາງດ້ານໜ້າ ເຮັດໜ້າທີ່ຖ່າຍທອດສົດ ທັງພາບ ແລະ ສຽງ ໄປຫາອີກຝ່າຍໜຶ່ງ ຜູ້ປະສົງຮ້າຍຈະບັນທືກພາບວີດີໂອດັ່ງກ່າວໄວ້ ແລ້ວນຳມາຂົ່ມຂູ່ວ່າ ຈະເຜີຍແຜ່ຄລິບວີດີໂອດັ່ງກ່າວ ແລກປ່ຽນກັບການສົ່ງຄລິບວີດີີີີີໂອໃໝ່ໆ ຫຼື ການໂອນເງິນຄ່າໄຖ່ໄປໃຫ້.
ຫຼາຍເທື່ອທີ່ເຫື່ຍອຢ້ານເສຍຊື່ສຽງ ຈຶ່ງຍອມເຮັດຕາມທີ່ອີກຝ່າຍຕ້ອງການ ແຕ່ການຂົ່ມຂູ່ກັນມັນບໍ່ໄດ້ຈົບພຽງແຕ່ເທົ່ານັ້ນ ຜູ້ປະສົງຮ້າຍມັກຈະຮຽກຮ້ອງຄ່າເສຍຫາຍ ຫຼາຍເທົ່າທີ່ຈະຫຼາຍໄດ້ ເຊັ່ນ: ຂໍໃຫ້ສົ່ງຮູບພາບໄປໃຫ້ອີກ, ຂໍໃຫ້ເປີດກ້ອງເຮັດຄືທີ່ຜ່ານມາອີກ ຈົນເຖິງການນັດພົບກັນ ແລະ ບັງຄັບໃຫ້ເຫຍື່ອ ຮ່ວມຫຼັບນອນນໍາຕົນເອງ ແລະ ແນ່ນອນວ່າ ຖ້າຫາກເຫຍື່ອຫຼົງເຊື່ອ ກໍ່ຈະນຳໄປສູ່ການສູນເສຍ ທີ່ເພີ່ມຫຼາຍຂຶ້ນ ບໍ່ວ່າຈະເປັນຮູບພາບ ທີ່ສ້າງຄວາມເສຍຫາຍຫຼາຍຂຶ້ນ, ເສຍຊື່ສຽງຫຼາຍຂຶ້ນ, ເສຍເງິນຫຼາຍກວ່າເກົ່າ, ເສຍຕົວເພາະໄປຕາມການນັດພົບກັນ ຍິ່ງເຮັດໃຫ້ເກີດຄວາມເສຍຫາຍຫຼາຍກວ່າເກົ່າ ຖ້າຖືກບັນທຶກຄລິບວີດີໂອໄວ້ພ້ອມ ແລະ ອາດຈະສົ່ງຜົນເຖິງສະພາບຈິດໃຈກໍ່ຄື ເຫຍື່ອຈະຮູ້ສຶກວ່າຕົນເອງບໍ່ມີຄຸນຄ່າ, ມີຄວາມຜິດ, ຖືກປະຈານ, ເກີດຄວາມລະແວງ ແລະ ເກີດບາດແຜຂຶ້ນໃນຈິດໃຈ.
ການປ້ອງກັນ ໃນການຂົ່ມຂູ່ທາງເພດ ເພື່ອຮຽກຄ່າໄຖ່ ສາມາດເຮັດໄດ້ແຕ່ເລີ່ມພິຈາລະນາເລືອກຮັບໝູ່ເພື່ອນ ເທິງໂລກອອນລາຍ ເຂົ້າມາໃນຊີວິດ, ໃຫ້ລະມັດລະວັງການຖືກຫຼອກລວງ ເຖິງແມ່ນວ່າ ບາງຄັ້ງຈະເປັນໝູ່ຕໍ່ໝູ່ ກໍ່ຄວນກວດສອບໃຫ້ຊັດເຈນກ່ອນ ວ່າມີຕົວຕົນແທ້ ຫຼື ບໍ່ ແລະ ເປັນໝູ່ເພື່ອນແທ້ໆ ຫຼື ບໍ່ ເມື່ອຮັບໝູ່ເພື່ອນແປກໜ້າແລ້ວ ການສົນທະນາ ແລະ ສົ່ງຮູບພາບໃດກໍ່ຕາມ ຄວນຄິດໃຫ້ຮອບຄອບເສຍກ່ອນ ຕ້ອງຈົດຈໍາໄວ້ວ່າ ບໍ່ຄວນສົ່ງຮູບພາບສ່ວນຕົວໄປໃຫ້ໃຜເບິ່ງທາງອອນລາຍ ເພາະເຖິງແມ່ນວ່າ ຈະເປັນໝູ່ຮັກແພງກັນ ຫຼື ຄົນຮັກກັນ ມື້ໃດມື້ໜື່ງເມື່ອເລີກລາ ຫຼຶ ຜິດໃຈກັນ ຄລິບວີດີໂອ ຫຼື ຮູບພາບສ່ວນຕົວ ກໍ່ອາດຈະຖືກນຳມາປະຈານໄດ້ທຸກເມື່ອ ເຖິງແມ່ນວ່າ ໝູ່ເພື່ອນ ຫຼື ຄົນຮັກເຮົາ ຈະບໍ່ແມ່ນຜູ້ປະສົງຮ້າຍກໍ່ຕາມ.
ເມື່ອຕົກເປັນເຫື່ຍອ Sextortion ຄວນເຮັດແນວໃດ
ຫາກຕົກເປັນເຫຍື່ອໄປແລ້ວ ບໍ່ຄວນສົ່ງເງິນ ຫຼື ເຮັດຕາມທີ່ຜູ້ປະສົງຮ້າຍບັງຄັບໃຫ້ເຮົາເຮັດ ເພາະຈະຍິ່ງເຮັດໃຫ້ຜູ້ປະສົງຮ້າຍໄດ້ເຄື່ອງມືໃນການຂົ່ມຂູ່ເພີ່ມຂຶ້ນຕື່ມ ຄວນປຶກສາຄົົນທີ່ເຮົາໄວ້ວາງໃຈ ແລະ ສາມາດຊ່ວຍເຫຼືອເຮົາໄດ້ ເພື່ອເກັບສັງລວມຂໍ້ມູນໃນການຂົ່ມຂູ່ ຊື່ບັນຊີ ແລະ ລາຍລະອຽດຂອງຄົົນ ທີ່ຂົ່ມຂູ່ເຮົາໄວ້ ເພື່ອແຈ້ງຄວາມດຳເນີນຄະດີ ນອກຈາກ ເພື່ອປ້ອງກັນຕົວເອງແລ້ວ ຍັງຊ່ວຍປ້ອງກັນ ບໍ່ໃຫ້ຜູ້ອື່ນຕົກເປັນເຫື່ຍອໄດ້ອີກດ້ວຍ.
ການເກັບກໍາຫຼັກຖານ ເພື່ອແຈ້ງຄວາມດຳເນີນຄະດີ
ໃນການເກັບກໍາຫຼັກຖານ ເພື່ອແຈ້ງຄວາມ ໃຫ້ເກັບກໍາຂໍ້ມູນ ຫຼື ຂໍ້ຄວາມ ທີ່ສົນທະນາກັນທັງໝົດ, ເກັບຮູບໂປຣໄຟລ໌, ຊື່ບັນຊີ ຫຼື ID ຕ່າງໆ ທີ່ສະແດງ ຫຼື ຢັ້ງຢືນຕົວຕົນຂອງຜູ້ປະສົງຮ້າຍຜ່ານຊ່ອງທາງການຕິດຕໍ່ຕ່າງໆ, ບັນທຶກຮູບພາບ ຫຼື ຄລິບວີດີໂອ ທີ່ຖືກນຳໄປໃຊ້ ຖ້າຫາກເຫຍື່ອເຄີຍໂອນເງິນໃຫ້ຄົນຮ້າຍແລ້ວ ໃຫ້ເກັບກໍາຫຼັກຖານການໂອນເງິນໄວ້ພ້ອມ ລວມທັງໝາຍເລກໂທລະສັບ, ເລກບັນຊີ ແລະ ຊື່ເຈົ້າຂອງບັນຊີ.
ການແກ້ໄຂບັນຫາເບື້ອງຕົ້ນ
ຖ້າຫາກພົບເຫັນ ຮູບພາບ/ຄລິບ ສ່ວນຕົວຂອງເຮົາ ຖືກເຜີຍແຜ່ສູ່ສື່ສັງຄົມອອນລາຍ ເບື້ອງຕົ້ນໃຫ້ຫາວິທີແຈ້ງ (ລາຍງານ) ການລຶບຂໍ້ມູນດັ່ງກ່າວ ເຊັ່ນ: Facebook ຫຼື YouTube ສາມາດກົດແຈ້ງ (ລາຍງານ) ລຶບດ້ວຍຕົນເອງໄດ້ ຫາກພົບເຫັນໃນເວັບໄຊໃດກໍ່ຄວນແຈ້ງໃຫ້ຜູ້ເບິ່ງແຍງເວັບໄຊນັ້ນຊ່ວຍລຶບ ຊຶ່ງອາດຈະຕ້ອງສະແດງຫຼັກຖານປະກອບວ່າ ເຮົາຄືຜູ້ເສຍຫາຍແທ້ໆ.
ທາງດ້ານການຮັກສາຄວາມເສຍຫາຍທາງຈິດໃຈ ຄົນໃກ້ຊິດມີສ່ວນສຳຄັນຫຼາຍໃນການໃຫ້ກຳລັງໃຈ, ບໍ່ຄວນຊ້ຳເຕີມ ແລະ ສ້າງຄວາມເຂັ້ມແຂງໃຫ້ກັບເຫຍື່ອ, ຊວນເຮັດກິດຈະກຳສ້າງສັນ, ແບ່ງປັນ ອາດຈະເປັນວຽກງານການເປັນອາສາສະໝັກ ທີ່ເຮັດໃຫ້ເຫຍື່ອຮູ້ສຶກເຖິງຄຸນຄ່າຂອງຕົນເອງ, ບໍ່ໂທດຕົນເອງ, ມີຈິດໃຈທີ່ເຂັ້ມແຂງສາມາດດຳເນີນຊີວິດຕໍ່ໄປໄດ້ຢ່າງປົກກະຕິ.
ເອກະສານອ້າງອິງ:
1. https://www.etda.or.th/th/Knowledge-Sharing/Sextortion-in-IFBL.aspx?viewmode=0
