ຄວາມໝາຍຂອງພາສາໂປຣແກຣມ
ຄວາມໝາຍຂອງພາສາໂປຣແກຣມ
(ໂດຍ ສູນສະກັດກັ້ນ ແລະ ແກ້ໄຂ ເຫດສຸກເສີນທາງຄອມພິວເຕີ)
ພາສາຄອມພິວເຕີ ໝາຍເຖິງພາສາໃດໜຶ່ງທີ່ຜູ້ໃຊ້ງານໃຊ້ສື່ສານກັບຄອມພິວເຕີ ຫຼື ຄອມພິວເຕີໃຊ້ສື່ສານກັນເອງ ແລ້ວຄອມພິວເຕີສາມາດເຮັດວຽກຕາມຄຳສັ່ງນັ້ນໄດ້ ມັກໃຊ້ເອີ້ນແທນດ້ວຍຄໍາວ່າ “ພາສາໂປຣແກຣມ” ແຕ່ຄວາມເປັນຈິງພາສາໂປຣແກຣມຄືສ່ວນໜຶ່ງຂອງພາສາຄອມພິວເຕີເທົ່ານັ້ນ ແລະ ມີພາສາອື່ນໆທີ່ເປັນພາສາຄອມພິວເຕີເຊັ່ນກັນ ຍົກຕົວຢ່າງເຊັ່ນ HTML ເປັນທັງພາສາ Markup ແລະ ພາສາຄອມພິວເຕີ ເຖິງວ່າມັນຈະບໍ່ແມ່ນພາສາໂປຣແກຣມ ຫຼື ພາສາເຄື່ອງ ແຕ່ກໍ່ນັບເປັນພາສາຄອມພິວເຕີເຊັ່ນກັນ ຊຶ່ງໂດຍທາງເຕັກນິກສາມາດໃຊ້ໃນການຂຽນໂປຣແກຣມໄດ້ ແຕ່ກໍ່ບໍ່ຈັດວ່າເປັນພາສາໂປຣແກຣມ.
ຕົວແປພາສາໂປຣແກຣມຄອມພິວເຕີ
ເປັນໂປຣແກຣມທີ່ໃຊ້ໃນການແປຄວາມໝາຍຂອງຄຳສັ່ງໃນພາສາຄອມພິວເຕີຊະນິດຕ່າງໆໄປເປັນພາສາເຄື່ອງ ຊຶ່ງເປັນພາສາທີ່ຄອມພິວເຕີເຂົ້າໃຈ ແລະ ເຮັດວຽກຕາມຄຳສັ່ງໄດ້ ໂດຍໂປຣແກຣມທີ່ຂຽນເປັນໂປຣແກຣມຕົ້ນສະບັບ ຫຼື ຊອດໂຄ້ດ ( Source code) ຊຶ່ງຄົນຂຽນໂປຣແກຣມ (Programmer) ຂຽນຄຳສັ່ງຕາມຫຼັກການອອກແບບໂປຣແກຣມ ແລະ ຈຳເປັນຕ້ອງໃຊ້ຕົວແປພາສາຄອມພິວເຕີເພື່ອກວດສອບໄວຍະກອນຂອງພາສາວ່າຂຽນຖືກຕ້ອງ ຫຼື ບໍ່ ແລະ ທົດສອບຜົນໄດ້ຮັບວ່າເປັນຢ່າງໃດ ຊຶ່ງພາສາຄອມພິວເຕີຊະນິດຕ່າງໆຈະມີຕົວແປພາສາຂອງຕົນເອງໂດຍສະເພາະ ໂປຣແກຣມທີ່ແປຈາກໂປຣແກຣມຕົ້ນສະບັບແລ້ວຈະເອີ້ນວ່າ ອອບເຈັກໂຄ້ດ ( Object code) ຊຶ່ງເປັນພາສາເຄື່ອງທີ່ປະກອບດ້ວຍ ລະຫັດຄຳສັ່ງທີ່ຄອມພິວເຕີສາມາດເຂົ້າໃຈ ແລະ ນຳໄປປະຕິບັດໄດ້ຕໍ່ໄປ.
ຕົວແປພາສາຄອມພິວເຕີມີການໃຊ້ງານສຳລັບການແປພາສາຄອມພິວເຕີຊະນິດຕ່າງໆ ແບ່ງອອກເປັນ 3 ປະເພດ
1. ແອດເຊມເບີ (Assembler) ເປັນຕົວແປພາສາແອດເຊມບລີ (Assembly) ຊຶ່ງເປັນພາສາລະດັບຕ່ຳ ໃຫ້ເປັນພາສາເຄື່ອງ.
2. ອິນເທີພຣີເຕີຣ໌ (Interpreter) ເປັນຕົວແປພາສາຄອມພິວເຕີລະດັບສູງໄປເປັນພາສາເຄື່ອງ ໂດຍໃຊ້ຫຼັກການແປຄຳສັ່ງເທື່ອລະ 1 ຄໍາສັ່ງໃຫ້ເປັນພາສາເຄື່ອງ ແລ້ວນຳຄຳສັ່ງທີ່ເປັນພາສາເຄື່ອງນັ້ນໄປທຳການປະມວນຜົນ ແລະສະແດງຜົນຮັບທັນທີຫາກບໍ່ພົບຂໍ້ຜິດພາດ ຫຼັງຈາກນັ້ນຈະແປຄຳສັ່ງຖັດໄປເລື້ອຍໆຈົນກວ່າຈະຈົບໂປຣແກຣມ ໃນລະຫວ່າງການແປຄຳສັ່ງ ຖ້າຫາກພົບຂໍ້ຜິດພາດທາງໄວຍະກອນຂອງພາສາໂປຣແກຣມ ອິນເທີພຣີເຕີຣ໌ກໍ່ຈະຢຸດການເຮັດວຽກງານພ້ອມແຈ້ງຂໍ້ຜິດພາດໃຫ້ແກ້ໄຂຊຶ່ງເຮັດໄດ້ງ່າຍ ແລະ ວ່ອງໄວ ແຕ່ອອບເຈັກໂຄ້ດທີ່ໄດ້ຈາກການແປຄຳສັ່ງໂດຍໃຊ້ອິນເທີພຣີເຕີຣ໌ນັ້ນບໍ່ສາມາດເກັບໄວ້ໃຊ້ໃໝ່ໄດ້ ຈະຕ້ອງແປໂປຣແກຣມໃໝ່ທຸກເທື່ອທີ່ຕ້ອງການໃຊ້ງານ ເຮັດໃຫ້ໂປຣແກຣມ ເຮັດວຽກໄດ້ຂ້ອນຂ້າງຊ້າ.
3. ຄອມໄພເລີຣ໌ (Compiler) ເປັນຕົວແປພາສາຄອມພິວເຕີລະດັບສູງໄປເປັນພາສາເຄື່ອງ ໂດຍທຳການກວດສອບຄວາມຖືກຕ້ອງຂອງການຂຽນຄຳສັ່ງທັງໝົດທັງໂປຣແກຣມໃຫ້ເປັນອອບເຈັກໂຄ້ດ ແລ້ວຈຶ່ງທຳການແປຄຳສັ່ງໄປເປັນພາສາເຄື່ອງ ຈາກນັ້ນຈຶ່ງທຳການປະມວນຜົນ ແລະ ສະແດງຜົນຮັບ ຫາກພົບຂໍ້ຜິດພາດຂອງການຂຽນໂປຣແກຣມ ຫຼື ມີຄຳສັ່ງທີ່ຜິດຫຼັກໄວຍະກອນຂອງພາສາຄອມພິວເຕີ ໂປຣແກຣມຄອມໄພເລີຣ໌ຈະແຈ້ງໃຫ້ຜູ້ຂຽນໂປຣແກຣມແກ້ໄຂໃຫ້ຖືກຕ້ອງທັງໝົດກ່ອນ ແລ້ວຈຶ່ງຄອມໄພລ໌ໃໝ່ອີກເທື່ອໜຶ່ງ ຈົນກວ່າຈະບໍ່ພົບຂໍ້ຜິດພາດຈຶ່ງຈະນຳໂປຣແກຣມໄປໃຊ້ງານໄດ້.
ຂໍ້ດີຂອງຄອມໄພເລີຣ໌
ໂປຣແກຣມອອບເຈັກໂຄ້ດທີ່ໄດ້ຈະສັງລວມຄຳສັ່ງທີ່ສຳຄັນໃນການຣັນໂປຣແກຣມ ແລະ ໄດ້ໂປຣແກຣມທີ່ເຮັດວຽກເອງໄດ້ ຫຼື Execute Program ຊຶ່ງສາມາດເຮັດວຽກໄດ້ບໍ່ຈຳກັດ ບໍ່ຕ້ອງເສຍເວລາໃນການແປໃໝ່ທຸກເທື່ອ ເຮັດໃຫ້ການເຮັດວຽກຂອງໂປຣແກຣມເປັນໄປຢ່າງວ່ອງໄວ ຈຶ່ງເປັນຮູບແບບການແປທີ່ໄດ້ຮັບຄວາມນິຍົມຢ່າງຫຼວງຫຼາຍ.
ໃນປັດຈຸບັນ ມີຫຼັກການແປພາສາຄອມພິວເຕີແບບໃໝ່ເກີດຂຶ້ນ ຄື ແປຈາກຊອດໂຄ້ດ ໄປເປັນລະຫັດຊົ່ວຄາວ ຫຼື Intermediate Code ຊຶ່ງສາມາດນຳໄປເຮັດວຽກໄດ້ດ້ວຍການໃຊ້ໂປຣແກຣມໃນການອ່ານ ແລະ ເຮັດວຽກຕາມລະຫັດຊົ່ວຄາວນັ້ນ ໂດຍໂປຣແກຣມນີ້ຈະມີຫຼັກການເຮັດວຽກຄ້າຍກັບອິນເທີພຣີເຕີຣ໌ ແຕ່ຈະເຮັດວຽກໄດ້ໄວກວ່າເນື່ອງຈາກລະຫັດຊົ່ວຄາວຈະໃກ້ຄຽງກັບພາສາເຄື່ອງຫຼາຍ ມີຂໍ້ດີຄືສາມາດນຳລະຫັດຊົ່ວຄາວນັ້ນໄປໃຊ້ໄດ້ກັບທຸກ ໆ ເຄື່ອງມີ່ມີໂປຣແກຣມຕີຄວາມໄດ້ທັນທີ.
ອ້າງອີງ basic-c.weebly.com
Porher 21 July 2017 5234 reads
Print
ຄວາມໝາຍຂອງພາສາໂປຣແກຣມ
(ໂດຍ ສູນສະກັດກັ້ນ ແລະ ແກ້ໄຂ ເຫດສຸກເສີນທາງຄອມພິວເຕີ)
ພາສາຄອມພິວເຕີ ໝາຍເຖິງພາສາໃດໜຶ່ງທີ່ຜູ້ໃຊ້ງານໃຊ້ສື່ສານກັບຄອມພິວເຕີ ຫຼື ຄອມພິວເຕີໃຊ້ສື່ສານກັນເອງ ແລ້ວຄອມພິວເຕີສາມາດເຮັດວຽກຕາມຄຳສັ່ງນັ້ນໄດ້ ມັກໃຊ້ເອີ້ນແທນດ້ວຍຄໍາວ່າ “ພາສາໂປຣແກຣມ” ແຕ່ຄວາມເປັນຈິງພາສາໂປຣແກຣມຄືສ່ວນໜຶ່ງຂອງພາສາຄອມພິວເຕີເທົ່ານັ້ນ ແລະ ມີພາສາອື່ນໆທີ່ເປັນພາສາຄອມພິວເຕີເຊັ່ນກັນ ຍົກຕົວຢ່າງເຊັ່ນ HTML ເປັນທັງພາສາ Markup ແລະ ພາສາຄອມພິວເຕີ ເຖິງວ່າມັນຈະບໍ່ແມ່ນພາສາໂປຣແກຣມ ຫຼື ພາສາເຄື່ອງ ແຕ່ກໍ່ນັບເປັນພາສາຄອມພິວເຕີເຊັ່ນກັນ ຊຶ່ງໂດຍທາງເຕັກນິກສາມາດໃຊ້ໃນການຂຽນໂປຣແກຣມໄດ້ ແຕ່ກໍ່ບໍ່ຈັດວ່າເປັນພາສາໂປຣແກຣມ.
ຕົວແປພາສາໂປຣແກຣມຄອມພິວເຕີ
ເປັນໂປຣແກຣມທີ່ໃຊ້ໃນການແປຄວາມໝາຍຂອງຄຳສັ່ງໃນພາສາຄອມພິວເຕີຊະນິດຕ່າງໆໄປເປັນພາສາເຄື່ອງ ຊຶ່ງເປັນພາສາທີ່ຄອມພິວເຕີເຂົ້າໃຈ ແລະ ເຮັດວຽກຕາມຄຳສັ່ງໄດ້ ໂດຍໂປຣແກຣມທີ່ຂຽນເປັນໂປຣແກຣມຕົ້ນສະບັບ ຫຼື ຊອດໂຄ້ດ ( Source code) ຊຶ່ງຄົນຂຽນໂປຣແກຣມ (Programmer) ຂຽນຄຳສັ່ງຕາມຫຼັກການອອກແບບໂປຣແກຣມ ແລະ ຈຳເປັນຕ້ອງໃຊ້ຕົວແປພາສາຄອມພິວເຕີເພື່ອກວດສອບໄວຍະກອນຂອງພາສາວ່າຂຽນຖືກຕ້ອງ ຫຼື ບໍ່ ແລະ ທົດສອບຜົນໄດ້ຮັບວ່າເປັນຢ່າງໃດ ຊຶ່ງພາສາຄອມພິວເຕີຊະນິດຕ່າງໆຈະມີຕົວແປພາສາຂອງຕົນເອງໂດຍສະເພາະ ໂປຣແກຣມທີ່ແປຈາກໂປຣແກຣມຕົ້ນສະບັບແລ້ວຈະເອີ້ນວ່າ ອອບເຈັກໂຄ້ດ ( Object code) ຊຶ່ງເປັນພາສາເຄື່ອງທີ່ປະກອບດ້ວຍ ລະຫັດຄຳສັ່ງທີ່ຄອມພິວເຕີສາມາດເຂົ້າໃຈ ແລະ ນຳໄປປະຕິບັດໄດ້ຕໍ່ໄປ.
ຕົວແປພາສາຄອມພິວເຕີມີການໃຊ້ງານສຳລັບການແປພາສາຄອມພິວເຕີຊະນິດຕ່າງໆ ແບ່ງອອກເປັນ 3 ປະເພດ
1. ແອດເຊມເບີ (Assembler) ເປັນຕົວແປພາສາແອດເຊມບລີ (Assembly) ຊຶ່ງເປັນພາສາລະດັບຕ່ຳ ໃຫ້ເປັນພາສາເຄື່ອງ.
2. ອິນເທີພຣີເຕີຣ໌ (Interpreter) ເປັນຕົວແປພາສາຄອມພິວເຕີລະດັບສູງໄປເປັນພາສາເຄື່ອງ ໂດຍໃຊ້ຫຼັກການແປຄຳສັ່ງເທື່ອລະ 1 ຄໍາສັ່ງໃຫ້ເປັນພາສາເຄື່ອງ ແລ້ວນຳຄຳສັ່ງທີ່ເປັນພາສາເຄື່ອງນັ້ນໄປທຳການປະມວນຜົນ ແລະສະແດງຜົນຮັບທັນທີຫາກບໍ່ພົບຂໍ້ຜິດພາດ ຫຼັງຈາກນັ້ນຈະແປຄຳສັ່ງຖັດໄປເລື້ອຍໆຈົນກວ່າຈະຈົບໂປຣແກຣມ ໃນລະຫວ່າງການແປຄຳສັ່ງ ຖ້າຫາກພົບຂໍ້ຜິດພາດທາງໄວຍະກອນຂອງພາສາໂປຣແກຣມ ອິນເທີພຣີເຕີຣ໌ກໍ່ຈະຢຸດການເຮັດວຽກງານພ້ອມແຈ້ງຂໍ້ຜິດພາດໃຫ້ແກ້ໄຂຊຶ່ງເຮັດໄດ້ງ່າຍ ແລະ ວ່ອງໄວ ແຕ່ອອບເຈັກໂຄ້ດທີ່ໄດ້ຈາກການແປຄຳສັ່ງໂດຍໃຊ້ອິນເທີພຣີເຕີຣ໌ນັ້ນບໍ່ສາມາດເກັບໄວ້ໃຊ້ໃໝ່ໄດ້ ຈະຕ້ອງແປໂປຣແກຣມໃໝ່ທຸກເທື່ອທີ່ຕ້ອງການໃຊ້ງານ ເຮັດໃຫ້ໂປຣແກຣມ ເຮັດວຽກໄດ້ຂ້ອນຂ້າງຊ້າ.
3. ຄອມໄພເລີຣ໌ (Compiler) ເປັນຕົວແປພາສາຄອມພິວເຕີລະດັບສູງໄປເປັນພາສາເຄື່ອງ ໂດຍທຳການກວດສອບຄວາມຖືກຕ້ອງຂອງການຂຽນຄຳສັ່ງທັງໝົດທັງໂປຣແກຣມໃຫ້ເປັນອອບເຈັກໂຄ້ດ ແລ້ວຈຶ່ງທຳການແປຄຳສັ່ງໄປເປັນພາສາເຄື່ອງ ຈາກນັ້ນຈຶ່ງທຳການປະມວນຜົນ ແລະ ສະແດງຜົນຮັບ ຫາກພົບຂໍ້ຜິດພາດຂອງການຂຽນໂປຣແກຣມ ຫຼື ມີຄຳສັ່ງທີ່ຜິດຫຼັກໄວຍະກອນຂອງພາສາຄອມພິວເຕີ ໂປຣແກຣມຄອມໄພເລີຣ໌ຈະແຈ້ງໃຫ້ຜູ້ຂຽນໂປຣແກຣມແກ້ໄຂໃຫ້ຖືກຕ້ອງທັງໝົດກ່ອນ ແລ້ວຈຶ່ງຄອມໄພລ໌ໃໝ່ອີກເທື່ອໜຶ່ງ ຈົນກວ່າຈະບໍ່ພົບຂໍ້ຜິດພາດຈຶ່ງຈະນຳໂປຣແກຣມໄປໃຊ້ງານໄດ້.
ຂໍ້ດີຂອງຄອມໄພເລີຣ໌
ໂປຣແກຣມອອບເຈັກໂຄ້ດທີ່ໄດ້ຈະສັງລວມຄຳສັ່ງທີ່ສຳຄັນໃນການຣັນໂປຣແກຣມ ແລະ ໄດ້ໂປຣແກຣມທີ່ເຮັດວຽກເອງໄດ້ ຫຼື Execute Program ຊຶ່ງສາມາດເຮັດວຽກໄດ້ບໍ່ຈຳກັດ ບໍ່ຕ້ອງເສຍເວລາໃນການແປໃໝ່ທຸກເທື່ອ ເຮັດໃຫ້ການເຮັດວຽກຂອງໂປຣແກຣມເປັນໄປຢ່າງວ່ອງໄວ ຈຶ່ງເປັນຮູບແບບການແປທີ່ໄດ້ຮັບຄວາມນິຍົມຢ່າງຫຼວງຫຼາຍ.
ໃນປັດຈຸບັນ ມີຫຼັກການແປພາສາຄອມພິວເຕີແບບໃໝ່ເກີດຂຶ້ນ ຄື ແປຈາກຊອດໂຄ້ດ ໄປເປັນລະຫັດຊົ່ວຄາວ ຫຼື Intermediate Code ຊຶ່ງສາມາດນຳໄປເຮັດວຽກໄດ້ດ້ວຍການໃຊ້ໂປຣແກຣມໃນການອ່ານ ແລະ ເຮັດວຽກຕາມລະຫັດຊົ່ວຄາວນັ້ນ ໂດຍໂປຣແກຣມນີ້ຈະມີຫຼັກການເຮັດວຽກຄ້າຍກັບອິນເທີພຣີເຕີຣ໌ ແຕ່ຈະເຮັດວຽກໄດ້ໄວກວ່າເນື່ອງຈາກລະຫັດຊົ່ວຄາວຈະໃກ້ຄຽງກັບພາສາເຄື່ອງຫຼາຍ ມີຂໍ້ດີຄືສາມາດນຳລະຫັດຊົ່ວຄາວນັ້ນໄປໃຊ້ໄດ້ກັບທຸກ ໆ ເຄື່ອງມີ່ມີໂປຣແກຣມຕີຄວາມໄດ້ທັນທີ.
ອ້າງອີງ basic-c.weebly.com
