ໃນວັນທີ​ 1 ກຸມພາ​ 2021 ນັກ​ວິໄຈ​ຈາກ​ບໍລິສັດ​ ESET ລາຍ​ງານ​ວ່າ​ ໂປຣ​ແກຣມ​ NoxPlayer ຊຶ່ງ​ເປັນ​ໂປຣ​ແກຣມ​ສຳລັບ ​ຈຳ​ລອງ​ລະບົບ​ປະຕິບັດການ​ Android ເທິງ​ຄອມພິວເຕີ​ ໃນ​ Windows ແລະ​ macOS ມີ​ຜູ້​ໃຊ້​ງານ​ຫຼາຍກວ່າ​ 150 ລ້ານ​ຄົນ ໃນ​ທົ່ວ​ໂລກ​ ຖືກ​ໂຈມ​ຕີ​ໃນ​ລັກສະນະ​ Supply chain attack ສົ່ງ​ຜົນ​ກະທົບ​ເຮັດໃຫ້​ອາດຈະ​ມີ​ໂປຣ​ແກຣມ​ອັນຕະລາຍ​ ຫຼື ​ມັນ​ແວ​ (Malware) ​ຕິດ​ຕັ້ງ​ໃນ​ເຄື່ອງຄອມພິວເຕີ​ຂອງ​ຜູ້​ໃຊ້​ງານ​.

ການ​ໂຈມ​ຕີ​ດັ່ງ​ກ່າວ​ໃຊ້​ຊື່​ວ່າ​ Operation NightScout ຊຶ່ງ​ທາງ​ດ້ານຂອງ ESET ເລີ່ມ​ສັງເກດ​ເຫັນ​ໃນ​ເດືອນ ​ກັນຍາ​ 2020 ພົບ​ວ່າ​ ໃນ​ຂັ້ນ​ຕອນການ​ອັບ​ເດດ​ໂປຣ​ແກຣມ​ NoxPlayer ໄດ້ມີ​ການ​ດາວ​​ໂຫຼດ​ມັນ​ແວ​ປະ​ເພດ​ Remote Access Trojan (RAT) ເຂົ້າ​ມາ​ພ້ອມ​ ເຮັດ​ໃຫ້​ຜູ້​ບໍ່​ຫວັງ​ດີ​ ສາມາດ​ເຂົ້າ​ຄວບ​ຄຸມ​ເຄື່ອງຄອມພິວເຕີ ​ຫຼື ​ລັກ​ຂໍ້​ມູນ​ຂອງ​ເຫຍື່ອ​ໄດ້​ຈາກ​ໄລຍະ​ໄກ​ ຢ່າງໃດ​ກໍ​່ຕາມ​ ທາງ​ດ້ານ ESET ໄດ້​ລາຍ​ງານ​ບັນຫາ​ໄປຫາຜູ້​ພັດທະນາ​ໂປຣ​ແກຣມ​ແລ້ວ​ ແຕ່​ຍັງ​ບໍ່​ມີ​ລາຍ​ງານ​ກ່ຽວກັບ​ເວີຊັ່ນ​ ແລະ​ ຈໍຳນວນ​ຜູ້​ທີ່ໄດ້ຮັບ​ຜົນກ​ະ​ທົບ​.

ຂໍແນະນໍາໃນການປ້ອງກັນ ແລະ ແກ້ໄຂ

ເພື່ອຫຼຸດຜ່ອນ​ຄວາມ​ສ່ຽງ​ ແລະ ​ຜົນ​ກະທົບ​ທີ່​ອາດຈະ​ເກີດ​ຂຶ້ນ​ ຜູ້​ໃຊ້​ງານ​ຄວນ​ກວດ​ສອບ​ວ່າໄດ້ຕົ​ກ​ເປັນ​ເຫຍື່ອ​ ຫຼື ​ບໍ່​ ໂດຍ​ກວດ​ສອບ​ຈາກ​ໄຟ​ລ໌ ​ທີ່​ສ້າງ​ໂດຍ​ຜູ້​ບໍ່​ຫວັງ​ດີ​ ດັ່ງລຸ່ມນີ້:

• C:\ProgramData\Sandboxie\SbieIni.dat
• C:\ProgramData\Sandboxie\SbieDll.dll
• C:\ProgramData\LoGiTech\LBTServ.dll
• C:\Program Files\Internet Explorer\ieproxysocket64.dll
• C:\Program Files\Internet Explorer\ieproxysocket.dll

ຫຼື ​ພົບ​ການ​ເຊື່ອມ​ຕໍ່​ກັບ​ເຄື່ອງ​ຂອງ​ຜູ້​ບໍ່​ຫວັງ​ດີ​

• 210.209.72[.]180
• 103.255.177[.]138
• 185.239.226[.]172
• 45.158.32[.]65
• cdn.cloudistcdn[.]com
• q.cloudistcdn[.]com
• update.boshiamys[.]com

ຖ້າ​ຫາກ​ຕົກ​ເປັນ​ເຫ​ຍື່ອ ຄວນ​ພິ­ຈາ­ລະ­ນາ​ຖອນ​ການ​ຕິດ​​ຕັ້ງ​, ຢຸດ​ໃຊ້​ງານ​ໂປ​​ຣ​ແກ​​ຣມຊົ່ວຄາວ ລວມ​ເຖິງ​ພິ­ຈາ­ລະ­ນາ​ຕິດ​​ຕັ້ງ​ລະ­ບົບ​ປະ­ຕິ­ບັດ​ການ ​ແລະ​​ ຊອບແວ໋ໃໝ່​ ຈາກ​ແຫຼ່ງທີ່ມາທີ່​ໜ້າ​ເຊື່ອ​ຖື ​ເພື່ອ​ໃຫ້​ແນ່​ໃຈ​ວ່າ​ບໍ່​ມີ​ມັນ​ແວ​​ແຝງ​ຢູ່​ໃນ​ລະ­ບົບ ຫາກ​ບໍ່​ໄດ້​ຮັບ​ຜົນ​ກະ­ທົບ ​ແລະ ​ບໍ່​ຢາກ​ຖອນ​ການ​ຕິດ​​ຕັ້ງ ຜູ້​ໃຊ້​ງານ​ຄວນ​​ປິດ​ການ​ດາວ​​​ໂຫຼ​​ດ​ ຫຼື ​ອັບ​ເດດຕ່າງໆ ຈົນ​ກວ່າ​ຈະ​ມີ​​ການປະ​ກາດ​ຈາກ​ຜູ້​ພັດ­ທະ­ນາ​ວ່າ​ໄດ້​ແກ້​ບັນ­ຫາ​ດັ່ງ​​ກ​່າວ​ແລ້ວ.

ເອກະສານອ້າງອີງ:

1. https://www.bleepingcomputer.com/news/security/android-emulator-supply-chain-attack-targets-gamers-with-malware/
2. https://www.welivesecurity.com/2021/02/01/operation-nightscout-supply-chain-attack-online-gaming-asia/
3. https://www.zdnet.com/article/hacker-group-inserted-malware-in-noxplayer-android-emulator/