Blizzard Entertainment ຖືກເຈາະລະບົບ ຜູ້ໃຊ້ງານຄວນປຽ່ນລະຫັດຜ່ານໂດຍດ່ວນ
ປະເພດການໄພຂົ່ມຂູ່: Fraud
ຂໍ້ມູນທົ່ວໄປ
Blizzard Entertainment ເປັນບໍລິສັດທີ່ພັດທະນາເກມຄອມພິວເຕີ ໂດຍມີເກມທີ່ໄດ້ຮັບຄວາມນິຍົມ ເຊັ່ນ WarCraft, StarCraft, Diablo ເປັນຕົ້ນ ດັ່ງຮູບທີ 1 ຊຶ່ງຫລາຍເກມສາມາດຫລິ້ນອອນໄລນ໌ໄດ້ຜ່ານລະບົບ Battle. Net.
ເລື່ອງ: Blizzard Entertainment ຖືກເຈາະລະບົບ ຜູ້ໃຊ້ງານຄວນປ່ຽນລະຫັດຜ່ານໂດຍດ່ວນ
ປະເພດການໄພຂົ່ມຂູ່: Fraud
ຂໍ້ມູນທົ່ວໄປ
Blizzard Entertainment ເປັນບໍລິສັດທີ່ພັດທະນາເກມຄອມພິວເຕີ ໂດຍມີເກມທີ່ໄດ້ຮັບຄວາມນິຍົມ ເຊັ່ນ WarCraft, StarCraft, Diablo ເປັນຕົ້ນ ດັ່ງຮູບທີ 1 ຊຶ່ງຫລາຍເກມສາມາດຫລິ້ນອອນໄລນ໌ໄດ້ຜ່ານລະບົບ Battle. Net.
ຮູບທີ 1 ຕົວຢ່າງເກມຂອງ Blizzard Entertainment
ເມື່ອວັນທີ 9 ສິງຫາກ 2555 Blizzard Entertainment ໄດ້ແຈ້ງວ່າລະບົບພາຍໃນຂອງ Net ຖືກເຂົ້າເຖິງໂດຍບໍ່ໄດ້ຮັບອະນຸຍາດ ຈາກການກວດສອບພົບວ່າ ຜູ້ບໍ່ຫວັງດີໄດ້ຂໍ້ມູນອີເມວທີ່ໃຊ້ໃນການເຂົ້າສູ່ລະບົບ Battle. Net ໃນທຸກພູມິພາກຂອງໂລກ ຍົກເວັ້ນປະເທດຈີນ ນອກຈາກນີ້ຍັງໄດ້ຂໍ້ມູນບັນຊີຜູ້ໃຊ້ໃນ ເຊີບເວີ North America ຊຶ່ງມີຂໍ້ມູນຂອງຜູ້ຫລິ້ນໃນພູມິພາກຕ່າງ ໆ ເຊັ່ນ North America, Latin America, Australia, New Zealand ແລະ Southeast Asia ລວມຢູ່ນຳ ໂດຍຂໍ້ມູນທີ່ຫລຸດອອກໄປນັ້ນປະກອບດ້ວຍລະຫັດຜ່ານທີ່ຖືກເຂົ້າລະຫັດລັບໄວ້ ຄຳຕອບຂອງຄຳຖາມທີ່ໃຊ້ໃນການກູ້ຄືນລະຫັດຜ່ານ ແລະຂໍ້ມູນການຢືນຢັນຕົວຕົນຜ່ານໂທລະສັບມືຖື ເປັນຕົ້ນ [1]
ທາງ Blizzard Entertainment ໃຫ້ຂໍ້ມູນເພີ່ມເຕີມວ່າ ໄດ້ກວດສອບພົບວ່າມີການການເຈາະລະບົບໄດ້ຕັ້ງແຕ່ວັນທີ່ 4 ສິງຫາ 2555 ແລ້ວ ແຕ່ຕ້ອງການກວດສອບຂໍ້ມູນໃຫ້ຊັດເຈນກ່ອນຈຶ່ງໄດ້ປະກາດແຈ້ງເຕືອນໃນວັນທີ່ 9 ສິງຫາ [2] ຢ່າງໃດກໍຕາມ ທາງ Blizzard Entertainment ໄດ້ແຈ້ງວ່າ ຂໍ້ມູນບັດລະເຄດິດ ແລະ ຂໍ້ມູນການຊື້ສິນຄ້ານັ້ນບໍ່ໄດ້ຮັບຜົນກະທົບຈາກການຖືກເຈາະ ລະບົບເທື່ອນີ້.
ຜົນກະທົບ
ເນື່ອງຈາກລະຫັດຜ່ານທີ່ຫລຸດອອກໄປນັ້ນເປັນລະຫັດຜ່ານທີ່ຖືກເຂົ້າລະຫັດລັບໄວ້ ແຕ່ຜູ້ບໍ່ຫວັງດີໄດ້ຂໍ້ມູນຄຳຕອບຂອງຄຳຖາມທີ່ໃຊ້ໃນການກູ້ຄືນລະຫັດຜ່ານໄປນຳ ດັ່ງນັ້ນຜູ້ໃຊ້ງານລະບົບ Battle. Net ມີໂອກາດທີ່ຈະຖືກລັກບັນຊີຜູ້ໃຊ້ ຈາກການຕອບຄຳຖາມທີ່ໃຊ້ໃນການກູ້ຄືນລະຫັດຜ່ານໄດ້.
ລະບົບທີ່ມີຜົນກະທົບ
ລະບົບ Battle. Net
ຂໍ້ແນະນຳໃນການປ້ອງກັນ ແລະ ແກ້ໄຂ
ບໍລິສັດ Blizzard Entertainment ໄດ້ແນະນຳໃຫ້ຜູ້ທີ່ໃຊ້ງານລະບົບ Battle. Net ປ່ຽນລະຫັດຜ່ານໂດຍດ່ວນ ພ້ອມກັນນີ້ ໄດ້ໃຫ້ຂໍ້ມູນເພີ່ມເຕີມວ່າ ຈະພັດທະນາລະບົບເພື່ອອຳນວຍຄວາມສະດວກໃນການປຽ່ນລະຫັດຜ່ານ ແລະ ຄຳຖາມທີ່ໃຊ້ໃນການກູ້ຄືນລະຫັດຜ່ານ ລວມເຖິງຈະອັບເດດຊອບແວລ໌ທີ່ໃຊ້ໃນການຢືນຢັນຕົວຕົນຜ່ານໂຊສັບມືຖືໃນໄວໆ ນີ້ ຢ່າງໃດກໍຕາມ ທາງບໍລິສັດຍັງຄົງເປີດໃຊ້ງານລະບົບການຢືນຢັນຕົວຕົນຜ່ານໂຊສັບມືຖື ແລະ ລະບົບກູ້ຄືນລະຫັດຜ່ານໂດຍວິທີການຕອບຄຳຖາມທີ່ໃຊ້ໃນການກູ້ຄືນລະຫັດຜ່ານຕາມປົກກະຕິ ເຖິງແມ່ນຂໍ້ມູນດັ່ງກ່າວຈະຖືກຜູ້ບໍ່ຫວັງດີເຂົ້າເຖິງໄດ້ແລ້ວກໍຕາມ
ອ້າງອິງ
ລາຍການຮູບ
