ແຈ້ງ​ເຕືອນ​ກ່ຽວກັບ​ໄພ​ຄຸກ​ຄາມທາງ​ໄຊ​ເບີ​ ​ທີ່​ກຳ​ລັງ​ແຜ່​ລະ​ບາດ​ຢູ່ໃນ​ຂະນະ​ນີ້​ ມັນ​ແວ​ (Malware)​ Android ຊື່​ FireScam, ໄດ້ຮັບ​ການ​ຄົ້ນ​ພົບ​ວ່າປອມໂ​ຕ​ເປັນ​ແອັບ​ Telegram Premium ເພື່ອ​ຫຼອກລວງ​ໃຫ້​ຜູ້​ໃຊ້​ງານ​ຕິດ​ຕັ້ງ​ຜ່ານ​ເວັບ​ໄຊ​ຟິດ​ຊິ່ງ (Phishing Site) ​ທີ່​ໂຮສ (Host) ເທິງ​ GitHub.io ຊຶ່ງຮຽນ​ແບບ​ RuStore (ຮ້ານ​ແອັບຍອດ​ນິຍົມ​ໃນ​ຣັດ​ເຊຍ​).

ລາຍ​ລະ​ອຽດ​ມັນ​ແວ​ FireScam:

• FireScam ໃຊ້​ເວັບ​ໄຊ​​ຟິດ​ຊິ່ງ​ ເພື່ອ​ເຜີຍແຜ່​ ໂດຍ​ແຝງ​ຕົວ​ເປັນ​ແອັບ​ Telegram Premium ປອມ​;
• ເມື່ອ​ຕິດ​ຕັ້ງ​ ມັນ​ແວ​​ຈະ​ລັກ​ຂໍ້​ມູນ​ສຳຄັນ​ ເຊັ່ນ:​ ການ​ແຈ້ງ​ເຕືອນ​, ຂໍ້ຄວາມ​, ຂໍ້​ມູນ​ທຸລະ​ກຳ​ອອນ​ລາຍ ແລະ​ ຂໍ້​ມູນ​ໃນ​ຄລິບ​ບອດ (Clipboard)​;
• ດັກ​ຈັບ​ຂໍ້​ມູນ​ USSD ທີ່​ອາດ​ຈະກ່ຽວ​ຂ້ອງ​ກັບ​ລະ​ຫັດ​ OTP ແລະ ​ຂໍ້​ມູນ​ທາງ​ການ​ເງິນ​;
• ຕິດ​ຕັ້ງ​ຕົວ​ເອງ​ເປັນ​ໂຕອັບ​ເດດ​ແອັບ​ຫຼັກ​ໃນ​ອຸປະກອນ ​ເພື່ອ​ປ້ອງ​ກັນ​ການ​ແກ້​ໄຂ​ ຫຼື ​ລຶບ​;
• ສື່​ສານ​ຜ່ານ​ Firebase Realtime Database ເພື່ອ​ເກັບ​ຂໍ້​ມູນ ​ແລະ ​ຄວບ​ຄຸມ​ອຸປະກອນ​ທີ່​ຕິດ​ມັນ​ແວ​.​

 

ຜົນ​ກະທົບ ​ແລະ​ ຄວາມ​ສ່ຽງ​:

• ລັກ​ຂໍ້​ມູນ​ສ່ວນ​ຕົວ​ ແລະ​ ຂໍ້​ມູນ​ທາງ​ການ​ເງິນ​ ເຊັ່ນ​: ລະ​ຫັດ​ຜ່ານ,​ ລະ​ຫັດ​ OTP ຫຼື ​ຂໍ້​ມູນ​ທຸນລະກຳ​;
• ຄວບ​ຄຸມ​ອຸປະກອນ​ຢ່າງ​ຕໍ່​ເນື່ອງ​ ໂດຍທີ່​ຜູ້​ໃຊ້​ງານ​ບໍ່​ຮູ້​ຕົວ​;
• ແຜ່ກ​ະ​ຈາຍ​ໄດ້​ງ່າຍ​ ເພາະ​ຮຽນ​ແບບ​ແອັບ​ຍອດ​ນິຍົມ​ທີ່​ມີ​ຜູ້​ໃຊ້​ງານ​ຈຳນວນ​ຫຼາຍ​.

 

ວິທີ​ປ້ອງ​ກັນ​ມັນ​ແວ​​ FireScam

1. ດາວ​​ໂຫຼດ​ແອັບ​ພິເຄ​ຊັ່ນ​ຈາກ​ແຫຼ່ງ​ທີ່​ເຊື່ອ​ຖື​ໄດ້​ເທົ່າ​ນັ້ນ

• ໃຊ້​ Google Play ຫຼື​ Apple App Store ໃນ​ການ​ດາວ​​ໂຫຼດ​ແອັບ​;
• ຫຼີກ​ລ້ຽງ​ການ​ຕິດ​ຕັ້ງ​ໄຟລ໌ APK ຈາກ​ແຫຼ່ງ​ທີ່​ບໍ່​ໜ້າ​ເຊື່ອ​ຖື​.

2. ລະ​ມັດ​ລະ​ວັງ​ເມື່ອກົດ​ລິ້ງ​​ທີ່​ບໍ່​ຄຸ້ນ​ເຄີຍ​

• ກວດ​ສອບ​ URL ຢ່າງ​ລະອຽດ​ກ່ອນ​ຄລິກ​ ໂດຍ​ສະເພາະ​ລິ້ງ​ທີ່​ກ່ຽວ​ຂ້ອງ​ກັບ​ແອບ​ຢອດ​ນິຍົມ​

3. ກວດ​ສອບ​ສິດ​ທີ່​ແອັບ​ຮ້ອງ​ຂໍ​

• ຖ້າຫາກ​ແອັບ​ໃດ​ຮ້ອງ​ຂໍ​ສິດ​ເກີນ​ຄວາມ​ຈຳ​ເປັນ​ ເຊັ່ນ:​ ການ​ເຂົ້າ​ເຖິງ​ SMS ຫຼື ​ຄລິບ​ບອດ​ ໃຫ້​ລະ​ວັງ​.

4. ຕິດ​ຕັ້ງ​ແອັບ​ພິ​ເຄ​ຊັ່ນ​ຄວາມ​ປອດໄ​ພ

• ໃຊ້​ໂປຣ​ແກຣມ​ປ້ອງ​ກັນ​ມັນ​ແວ​ທີ່​ສາມາດ​ກວດ​ຈັບໄ​ພ​ຄຸກ​ຄາມ​ໃໝ່​ໆ​ໄດ້.​

5. ອັບ​ເດດ​ລະບົບ​ປະຕິບັດການ ​ແລະ ​ແອັບ​ພິ​ເຄ​ຊັ່ນ​ຢ່າງ​ສ​ະໝໍ່າສະເໝີ​

• ການ​ອັບ​ເດດ​ຊ່ວຍ​ປ້ອງ​ກັນ​ຊ່ອງ​ໂຫວ່​ທີ່​ມັນ​ແວ​ອາດ​ໃຊ້​ໂຈມ​ຕີ​.

 

ເອກະສານອ້າງອີງ:

1. https://www.scworld.com/news/firescam-android-malware-poses-as-telegram-app-to-steal-sensitive-data?fbclid=IwY2xjawHoNStleHRuA2FlbQIxMAABHVknF3c6tqXPZYta9HPixYh_Ti6wdYXEDECpyNs0dK881UebWTpO6XNAXA_aem_lrYs64QCc-8S1gU7jmigoA
2. https://www.bleepingcomputer.com/news/security/new-firescam-android-data-theft-malware-poses-as-telegram-premium-app/?fbclid=IwY2xjawHoNSxleHRuA2FlbQIxMAABHQt3QMJCNPUoqNNbH2ykz4L_ZB3Xkk4n1mHRIuqvVYICMFyRDLnF4SLARQ_aem_-SyGABuS9pFGFU0zbWxOqg
3. https://www.facebook.com/story.php?story_fbid=122132423462454139&id=61563624190657&mibextid=wwXIfr&rdid=zEVpFFiZAH20zV90#