ແຈ້ງ​ເຕືອນ​ໄພ​ຄຸກ​ຄາມ​ທາງ​ໄຊ​ເບີ​ຮູບ​ແບບ​ໃໝ່​ ທີ່​ກຳ​ລັງ​ແຜ່ກ​ະ​ຈາຍ​ຢ່າງ​ວ່ອງໄວ​ທົ່ວ​ໂລກ​ ໂດຍ​ອາໄສ​ ສື່ສັງຄົມອອນລາຍ ແລະ​ ເຕັກ​ໂນ​ໂລຊີປັນຍາປະດິດ (AI) ເພື່ອ​ຫຼອກລວງ​ເຫຍື່ອ​ໃຫ້​ສູນເສຍ​ເງິນ​ ແລະ ​ຂໍ້​ມູນ​ສ່ວນ​ຕົວ​, ຂ່າວສານ​ນີ້​ເປັນ​ສິ່ງ​ທີ່​ທຸກ​ຄົນ​ຄວນ​ຄິດຄໍານຶງ, ລະມັດລະວັງ ​ແລະ​ ຮູ້​ຈັກ​ວິທີ​ປ້ອງ​ກັນ​ຕົວ​ເອງ​ ເພື່ອ​ຄວາມ​ປອດໄ​ພ​ໃນ​ໂລກ​ອອນ​ລາຍ.

ວິທີການຂອງ​ກົນ​ໂກງ​​:

1. ໂຄສະ​ນາ​ໃນ​ສື່ສັງຄົມອອນລາຍ​:
   • ໃຊ້​ໂຄສະ​ນາປອມ​ທີ່​ເບິ່ງ​ໜ້າ​ເຊື່ອ​ຖື​ ເຊັ່ນ:​ ຣີ​ວິວ​ (Review) ຈາກ​ບຸກ​ຄົນທີ່​ມີ​ຊື່​ສຽງ​ (ຊຶ່ງ​ສ້າງ​ຈາກ​ AI) ແລະ​ໂພສ (Post) ຮຽນ​ແບບ​ ຍີ່ຫໍ້ (Brand) ​ບໍລິສັດ​ ຫຼື ​ໜ່ວຍ​ງານລັດ;​
   • ມີ​ການ​ໃຊ້​ບັນ​ຊີປອມ​, ບັນ​ຊີ​ທີ່​ຖືກ​ລັກ​ ຫຼື ​ບັນ​ຊີ​ຂອງ​ ອິນຟຣູເອນເຊີ (Influencer) ​ເພື່ອ​ສ້າງ​ຄວາມ​ໜ້າ​ເຊື່ອ​ຖື.​
2. ເວັບ​ໄຊປອມ​:

• ລໍ້ລວງ​ໃຫ້​ຜູ້​ໃຊ້​ກົດ​ລິ້ງ​ໄປ​ຫາເວັບ​ໄຊ​ທີ່​ຮຽນ​ແບບ​ສື່​ຂ່າວ​ ຫຼື ​ອົງ​ກອນ​ທີ່​ມີ​ຊື່​ສຽງ​;
• ຫຼອກ​ໃຫ້​ປ້ອນ​ຂໍ້​ມູນ​ສ່ວນ​ຕົວ​ ເຊັ່ນ:​ ຊື່,​ ອີ​ເມວ,​ ໝາຍ​ເລກ​ໂທລະ​ສັບ​ ຫຼື ​ຂໍ້​ມູນ​ການ​ເງິນ​.

3. ການ​ໂທເພື່ອໂນ້ມ​ນ້າວຈິດໃຈ​:

• ເມື່ອ​ໄດ້​ຂໍ້​ມູນ​ສ່ວນ​ຕົວ​ແລ້ວ​ ຜູ້​ຫຼອກລວງ​ຈະ​ໂທຫາ​ເຫຍື່ອ​ໂດຍ​ກົງ ​ເພື່ອ​ຊັກຊວນ​ໃຫ້​ລົງ​ທຶນ​ໃນ​ສິນ​ຄ້າ​ທາງ​ການ​ເງິນ​;
• ອາດ​ຖືກ​ໂນ້ມ​ນ້າວ​ໃຫ້​ກູ້​ເງິນ ​ຫຼື ​ແຊ​ຣ໌​ຂໍ້​ມູນ​ສຳຄັນ​ ເຊັ່ນ:​ ໝາຍ​ເລກ​ບັດ​ປະຊາຊົນ​ ຫຼື ​ບັດ​​ເຄຣ​ດິດ.

4. ຜົນ​ລັບ​​ສຸດ​ທ້າຍ​:

• ເຫຍື່ອ​ສູນ​ເສຍ​ທັງ​ເງິນ ​ແລະ ​ຂໍ້​ມູນ​ສ່ວນ​ຕົວ​ ໂດຍ​ບໍ່​ມີ​ທາງ​ກູ້​ຄືນ​.

 

ວິທີ​ປ້ອງ​ກັນ​ຕົນເອງ​​​:

1. ລະ​ມັດ​ລະ​ວັງ​ໂຄສະ​ນາ​ທີ່​ເບິ່ງດູ​ດີ​ເກີນ​ຈິງ​:

• ຫາກ​ເຫັນ​ໂຄສະ​ນາ​ກ່ຽວກັບ​ການ​ລົງ​ທຶນ​ທີ່​ໃຫ້​ຜົນ​ຕອບ​ແທນ​ສູງ​ຜິດ​ປົກກະຕິ​ ຢ່າ​ຫຼົງ​ເຊື່ອ​ ຫຼື ​ຕັດ​ສິນ​ໃຈ​ລົງ​ທຶນ​ທັນ​ທີ​.

2. ກວດ​ສອບ​ແຫຼ່ງ​ທີ່​ມາ​ຂອງ​ຂໍ້​ມູນ​:

• ກວດ​ສອບ​ໃຫ້​ແນ່​ໃຈ​ວ່າ​ເວັບ​ໄຊ​ ​ຫຼື ​ໂຄສະ​ນາ​ນັ້ນ​ມາ​ຈາກ​ແຫຼ່ງ​ທີ່​ເຊື່ອ​ຖື​ໄດ້​;
• ຫຼີກລ້ຽງ​ການ​ກົດ​ລິ້ງ​​ໃນ​ອີ​ເມວ ​ຫຼື ​ຂໍ້ຄວາມ​ຈາກ​ແຫຼ່ງ​ທີ່​ບໍ່​ຮູ້​ຈັກ​.

3. ຢ່າ​ເປີດ​ເຜີຍ​ຂໍ້​ມູນ​ສ່ວນ​ຕົວ​:

• ຢ່າ​ປ້ອນ​ຂໍ້​ມູນ​ສ່ວນ​ຕົວ​ ຫຼື ​ຂໍ້​ມູນ​ທາງ​ການ​ເງິນ​ເທິງ​ເວັບ​ໄຊ​​ທີ່​ບໍ່​ໜ້າ​ເຊື່ອ​ຖື​.

4. ຫຼີກ​ລ້ຽງ​ການ​ດາວ​​ໂຫຼດ​ແອັບ​ ຫຼື ​ໂປຣ​ແກຣມ​ທີ່​ບໍ່​ຮູ້​ຈັກ​:

• ລະ​ວັງ​ການ​ຕິດ​ຕັ້ງ​ແອັບ​ພິເຄ​ຊັ່ນ​ ຫຼື ​ໂປຣ​ແກຣມ ​ທີ່ຕ້ອງການສິດຂໍ​ເຂົ້າ​ເຖິງ​ອຸປະກອນ​.​

5. ​ຕິດ​ຕາມ​ຂ່າວ​ສານ ​ແລະ​ ອັບ​ເດດ​ຄວາມ​ຮູ້​ກ່ຽວກັບໄພຄຸກຄາມທາງ​ໄຊ​ເບີ​ເປັນປະຈໍາ​:

ຖ້າຫາກ​ມີ​ຂໍ້ສົ​ງໄ​​ກ່ຽວກັບ​ຄວາມ​ປອດ​ໄພ​ ໃຫ້​ຕິດ​ຕໍ່​ຝ່າຍ​ IT ຫຼື ​ຜູ້​ຊ່ຽວ​ຊານ​ດ້ານ​ຄວາມ​ປອດ​ໄ​ພໃນ​ອົງ​ກອນ.​

ເອກະສານອ້າງອີງ:

1. https://thehackernews.com/2024/12/new-investment-scam-leverages-ai-social.html?fbclid=IwY2xjawHNw19leHRuA2FlbQIxMAABHX5iIksyHKgMHHWjFXzU8M1KdLNtMl3cGZRrJB-FM6tlYNzbpPrR5NE7tA_aem_K8ongy742akUclKbki9DLw
2. https://www.facebook.com/story.php?story_fbid=122129829374454139&id=61563624190657&mibextid=wwXIfr&rdid=JDbZo8aIo7bKGC9q