ແຈ້ງເຕືອນ: DogeRAT Malware ແຜ່ລະບາດໜັກໃນລະບົບ Android ເພື່ອລັກຂໍ້ມູນສ່ວນຕົວ, ຂໍ້ມູນທະນາຄານ, ລັກເປີດກ້ອງ ແລະ ອັດສຽງ

ບົດລາຍງານປະຈຳປີ APCERT

ແຈ້ງເຕືອນ

DogeRAT Malware ແຜ່ລະບາດໜັກໃນລະບົບ Android ເພື່ອລັກຂໍ້ມູນສ່ວນຕົວ, ຂໍ້ມູນທະນາຄານ, ລັກເປີດກ້ອງ ແລະ ອັດສຽງ

DogeRAT Malware ແຜ່ລະະບາດໜັກໃນລະບົບ Android ຊຶ່ງມັນແວ (Malware) ໃໝ່ DogeRAT ມີເປົ້າໝາຍຄືການຄວບຄຸມໄລຍະໄກໄປຫາອົງກອນຕ່າງໆໃນພາກອຸດສາຫະກຳ, ລວມເຖິງສະຖາບັນການເງິນ, ເກມ ແລະ ທຸລະກິດຄວາມບັນເທິງ ມັນແວນີ້ສາມາດເປັນ Keyloggers ລັກຄັດລອກເນື້ອຫາຈາກ Clipboard ໄດ້ອີກດ້ວຍ.

ລັກສະນະການໂຈມຕີຂອງ DogeRAT Malware

ຂໍ້ມູນນັກວິໄຈຈາກ CloudSEK ເປີດເຜີຍວ່າພົບການແຜ່ລະບາດຂອງ DogeRAT ທີ່ມີເປົ້າໄປທີ່ຜູ້ໃຊ້ງານ Android ໃນປະເທດອິນເດຍ ແລະ ຄາດການວ່າມັນແວນີ້ອາດຈະຂະຫຍາຍການໂຈມຕີອອກໄປທົ່ວໂລກ ໂດຍການສ້າງແອັບປອມບໍລິການຍອດນິຍົມຕ່າງໆເຊັ່ນ:

Opera Mini – fast web browser
Android VulnScan
YouTube Premium
Netflix Premium
ChatGPT
Lite 1 [Facebook]
Instagram Pro

ທັງ 7 ແອັບນີ້ກະຈາຍໄປຜ່ານທາງແພັດຟອມ (Platform) ສື່ສັງຄົມອອນລາຍ ຜ່ານໂຄສະນາຕ່າງໆ ຊຶ່ງສ່ວນຫຼາຍຈະໃຫ້ໂຫຼດຜ່ານທາງເວັບໄຊປອມທີ່ບໍ່ແມ່ນ Play Store ຈາກ Google ບາງເວັບໄຊຈຳລອງໜ້າຕາໃຫ້ຄືກັບ Play Store ກໍ່ມີ ເມື່ອຕິດຕັ້ງແອັບພິເຄຊັ່ນປອມເຫຼົ່ານີ້ ແອັບຈະຂໍສິດເຂົ້າເຖິງຂໍ້ມູນທີ່ສຳຄັນໂດຍບໍ່ໄດ້ຮັບອະນຸຍາດ ລວມເຖິງຂໍ້ມູນການເຂົ້າສູ່ລະບົບທະນາຄານ, ລາຍຊື່ຜູ້ຕິດຕໍ່ ແລະ ຂໍ້ຄວາມ ສາມາດລັກເງິນໃນແອັບທະນາຄານ ສົ່ງອີເມວສະແປມ (Email Spam) ລັກຖ່າຍຮູບດ້ວຍການເປີດການເຮັດວຽກຂອງກ້ອງໜ້າ, ກ້ອງຫຼັງ ແລະ ອັດສຽງຜ່ານໄມໂຄໂຟນ (Microphone) ຊຶ່ງຜູ້ພັດທະນາມັນແວ DogeRAT ໄດ້ມີການຄາດການວ່າມາຈາກປະເທດ ອິນເດຍ ເນື່ອງຈາກມີການໃຊ້ງານ DogeRAT ທີ່ເປັນ RAT (Remote Access Trojan) ໂດຍໃຊ້ພາສາ Java ຊຶ່ງໃຫ້ເປັນບໍລິການ MaaS (Malware as a Service) ຜ່ານຊ່ອງທາງ Telegram.

ວິທີປ້ອງກັນ DogeRAT ໃນລະບົບ Android

ຫຼີກລ້ຽງການກົດລິ້ງ ຫຼື ເປີດຟາຍຈາກແຫຼ່ງທີ່ບໍ່ຮູ້ຈັກ;
ອັບເດດເຟີມແວ (Firmware) ໃຫ້ເປັນເວີຊັ່ນຫຼ້າສຸດຢູ່ສະເໝີ;
ອົງກອນຄວນຕິດຕາມຂ່າວສານໄຊເບີ ແລະ ໃຫ້ຄໍາເຕືອນພະນັກງານເນັ້ນປະຕິບັດຕາມມາດຕະຖານຮັກສາ ຄວາມປອດໄພໄຊເບີຫຼາຍຂຶ້ນ.

ເອກະສານອ້າງອີງ: