Royal Ransomware ເນັ້ນໂຈມຕີອຸປະກອນ VMware ESXi Virtual machines ແລະ ການເຂົ້າລະຫັດສຳລັບລະບົບປະຕິບັດການ Linux ໂດຍສະເພາະ
Royal Ransomware ເປັນແລນຊໍາແວ (Rnsomware) ໂຕລ່າສຸດທີ່ຖືກຄົ້ນພົບໂດຍ Will Thomas ຈາກ Equinix Threat Analysis Center (ETAC) ຈາກການກວດສອບພົບວ່າ Royal Ransomware ໂຕນີ້ໄດ້ເພີ່ມປະສິດທິພາບໃນການເຮັດວຽກ ຊຶ່ງເນັ້ນເປົ້າໝາຍໄປທີ່ອຸປະກອນ VMware ESXi Virtual machines ທີ່ຮອງຮັບການເຂົ້າລະຫັດສຳລັບລະບົບປະຕິບັດການ Linux ໂດຍສະເພາະ ຊຶ່ງການເຮັດວຽກມີຄວາມຄ້າຍຄືກັບກຸ່ມແລນຊໍາແວໂຕອື່ນໆ ທີ່ຖືກຄົ້ນພົບ ເຊັ່ນ:
Black Basta, LockBit, BlackMatter, AvosLocker, REvil, HelloKitty, RansomEXX, ແລະ Hive.
ນອກຈາກນີ້, ຍັງຮອງຮັບການເຮັດວຽກອື່ນໆ ທີ່ຊ່ວຍໃຫ້ຜູ້ໂຈມຕີສາມາດຄວບຄຸມການເຮັດວຽກຕ່າງໆ ໃນການເຂົ້າລະຫັດໄດ້:
- -stopvm – ຢຸດການເຮັດວຽກທັງໝົດຂອງລະບົບ (VM) ເພື່ອເຂົ້າລະຫັດ;
- -vmonly – ເຂົ້າລະຫັດສະເພາະເຄື່ອງ (Virtual machines) ເທົ່ານັ້ນ;
- -fork – unknown;
- -logs – unknown;
- -id: – ລະຫັດທີ່ໃຊ້ຕ້ອງມີຄວາມຍາວ 32 ຕົວອັກສອນ.
ຫຼັງຈາກຟາຍຖືກເຂົ້າລະຫັດຮຽບຮ້ອຍແລ້ວ ຟາຍດັ່ງກ່າວຈະໃຊ້ຟາຍນາມສະກຸນທີ່ລົງທ້າຍດ້ວຍ .royal_u ທັງໝົດທີ່ມີຢູ່ໃນລະບົບ (VM).
ໃນສ່ວນຂອງເຄື່ອງມື ຫຼື ໂປຣແກຣມປ້ອງກັນໄວຣັດ (anti-malware) ທີ່ໃຊ້ຊ່ວຍໃນການກວດຫາ Royal Ransomware ທີ່ສັງລວມຄວາມສາມາດໃນການກຳນົດເປົ້າໝາຍຕ່າງໆ ເຂົ້ານຳກັນ ຈາກການສະແກນເບື້ອງຕົ້ນສາມາດກວດພົບທັງໝົດ 23 ລາຍການ ຈາກ 62 ລາຍການເທິງ Virus Total.
ທ້າຍທີ່ສຸດ Royal Ransomware ຖືວ່າເປັນກຸ່ມຜູ້ໂຈມຕີທີ່ມີຄວາມຊ່ຽວຊານຫຼາຍພໍສົມຄວນ ເພາະກ່ອນໜ້ານີ້ເຄີຍເຮັດວຽກຮ່ວມກັບກຸ່ມ Conti Ransomware ແລະ ໃຊ້ໂຕເຂົ້າລະຫັດຈາກກຸ່ມ BlackCat Ransomware.
ຈາກນັ້ນບໍ່ດົນກໍປ່ຽນມາໃຊ້ໂຕເຂົ້າລະຫັດຂອງຕົນເອງທີ່ພັດທະນາຂຶ້ນໃນຊື່ວ່າ Zeon ຫຼ້າສຸດໄດ້ປ່ຽນມາໃຊ້ຊື່ Royal ໂດຍກຳນົດຄ່າໄຖ່ຕັ້ງແຕ່ 250,000 USD ໄປຈົນເຖິງ 10,000,000 USD ຫຼັງຈາກເຂົ້າລະຫັດຂອງເປົ້າໝາຍ ຫຼື ອົງກອນຕ່າງໆ ເປົ້າໝາຍສ່ວນໃຫຍ່ຈະເປັນ ອົງກອນກ່ຽວກັບການເບິ່ງແຍງເລື່ອງສຸຂະພາບ ແລະ ສາທາລະນະສຸກ (HPH).
ເອກະສານອ້າງອີງ:
ລາຍການຮູບ
