Oh no! Where's the JavaScript?
Your Web browser does not have JavaScript enabled or does not support JavaScript. Please enable JavaScript on your Web browser to properly view this Web site, or upgrade to a Web browser that does support JavaScript.

ລາວເຊີດລາວເຊີດລາວເຊີດ

ຂ່າວ

ພິທີເປີດຂະບວນການຂໍ້ແຂ່ງຂັນ 5 ເປັນເຈົ້າ ຂອງ ໜ່ວຍກຳມະບານ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ປະຈຳປີ 2021

P
Porher ເຜີຍແຜ່ແລ້ວ 5 months ຜ່ານມາ
ພິທີເປີດຂະບວນການຂໍ້ແຂ່ງຂັນ 5 ເປັນເຈົ້າ ຂອງ ໜ່ວຍກຳມະບານ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ປະຈຳປີ 2021

     ໃນຕອນເຊົ້າຂອງວັນທີ 27 ສິງຫາ 2021 ໜ່ວຍກຳມະບານ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ພິທີ ເປີດຂະບວນການຈັດຕັ້ງປະຕິບັດ ຂໍ້ແຂ່ງຂັນ 5 ເປັນເຈົ້າ ຂອງ ໜ່ວຍກຳມະບານ ສກຄ ປະຈຳປີ 2021, ທີ່ ຫ້ອງຝຶກອົບຮົມຊັ້ນ 06 ຂອງ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ (ສກຄ). ໂດຍການ ເປັນປະທານຮ່ວມ ຂອງ ສະຫາຍ ສຸດໃຈ ພິມມະສີ ປະທານສະຫະພັນກໍາມະບານ ກະຊວງ ເຕັກໂນໂລຊີ ແລະ ການສື່ສານ,  ສະຫາຍ ຄໍາຫຼ້າ ສຸນນະລັດ ເລຂາໜ່ວຍພັກ ສກຄ ແລະ ສະຫາຍ ທຽນໄຊ ບໍລິບູນ ປະທານໜ່ວຍ ກຳມະບານ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ. ມີແຂກເຂົ້າຮ່ວມ ຈາກກຳມະບານຮາກຖານ ສູນອິນເຕີເນັດ ແຫ່ງຊາດ ພ້ອມດ້ວຍສະມາຊິກກໍາມະບານ ພາຍໃນໜ່ວຍກຳມະບານ ສກຄ ຈຳນວນ 28 ສະຫາຍ.

     ພິທີໄດ້ ລາຍງານສະພາບລວມ ຂອງໜ່ວຍກໍາມະບານ ສກຄ ປະກອບມີ ມີສະມາຊິກ ທັງໝົດ 30 ສະຫາຍ, ຍິງ 08 ສະຫາຍ. ໃນນັ້ນມີ ຄະນະໜ່ວຍກໍາມະບານ 02 ສະຫາຍ (ປະທານໜ່ວຍ 01 ສະຫາຍ, ຮອງປະທານ 01 ສະຫາຍ) ປະກອບມີກອງເລຂາ ແລະ ແບ່ງອອກເປັນ 04 ຈຸຂຶ້ນກັບ.


     
     ຈຸດປະສົງຂອງການເປີດຂະບວນການຂໍ້ແຂ່ງຂັນ 5 ເປັນເຈົ້າ ໃນຄັ້ງນີ້ ຖືໄດ້ວ່າເປັນການດໍາເນີນຊີວິດການເມືອງ ພາຍໃນຄະນະ ແລະ ສໍາມະຊິກກໍາມະບານ ເພື່ອຕີລາຄາການຈັດຕັ້ງປະຕິບັດວຽກງານຜ່ານມາ, ທິດທາງແຜນການໃນຕໍ່ໜ້າ ແລະ ທັງເປັນການສ້າງຄວາມເຂັ້ມແຂງໃຫ້ແກ່ໜ່ວຍກໍາມະບານ ສກຄ.

     ການຈັດຕັ້ງປະຕິບັດວຽກງານ ໃນໄລຍະຜ່ານມາ ຂອງໜ່ວຍກໍາມະບານ ສູນລາວເຊີດ ຍາມໃດກໍ່ຕິດພັນ  ແໜ້ນແຟ້ນກັບ 2 ໜ້າທີ່ຍຸດທະສາດຂອງຊາດ ເປັນກົງຈັກທີ່ເຄື່ອນໄຫວວຽກງານຕາມທິດທາງຂອງພັກ ແລະ ກົນໄກຂອງລັດ ຄຽງຄູ່ໄປກັບການຈັດຕັ້ງປະຕິບັດໜ້າທີ່ເປັນ ເສນາທິການໃຫ້ຄະນະພັກຂັ້ນເທິງຕົນ ໄດ້ດໍາລົງບົດບາດແຫ່ງການເປັນຕົວແທນ ແຫ່ງສິດ ແລະ ຜົນປະໂຫຍດອັນຊອບທໍາ ຂອງກໍາມະກອນຊາວຜູ້ອອກແຮງງານບັນດາເຜົ່າ ພ້ອມກັນເປັນເຈົ້າການເຕົ້າໂຮມຄວາມສາມະຄີ ເປັນເຈົ້າການປະຕິບັດຕາມພາລະບົດບາດ, ສິດ ແລະ ໜ້າທີ່ ແລະ ຄວາມຮັບຜິດຊອບຂອງຕົນ ຍາມໃດກໍ່ຖືເອົາການປະຕິບັດຄໍາຂວັນ 5 ເປັນເຈົ້າ ຂອງສະຫະພັນກໍາມະບານລາວ ຕິດພັນກັບແຜນການເຄື່ອນໄຫວວຽກງານໃຫ້ນັບມື້ນັບປະກົດຜົນເປັນຈິງຍິ່ງໆ ຂື້ນ.




     ຮອງປະທານໜ່ວຍກຳມະບານ ສກຄ ໄດ້ຜ່ານແຜນການຈັດຕັ້ງປະຕິບັດ ຂໍ້ແຂ່ງຂັນ 5 ເປັນເຈົ້າ ເຊິ່ງຕັ້ງຄາດໝາຍສູ້ຊົນໃຫ້ໄດ້ 85% ຂື້ນໄປ ແລະ ຍົກສູງການປະຕິບັດໜ້າທີ່ວິຊາສະເພາະ ຢ່າງປະດິດສ້າງ ໃຫ້ໄດ້ 90% ຂຶ້ນໄປ. ຫຼັງຈາກນັ້ນ, ສະຫາຍ ປະທານສະຫະພັນກໍາມະບານກະຊວງ ເຕັກໂນໂລຊີ ແລະ ການສື່ສານ ສະຫາຍ ເລຂາ  ໜ່ວຍພັກ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ກໍ່ໄດ້ ປະກອບຄຳຄິດຄຳເຫັນ ແລະ ໂອ້ລົມໃຫ້ທິດຊີ້ນຳ ຕໍ່ກັບແຜນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈໍາ ປີ 2021 ຂອງໜ່ວຍກໍາມະບານ ສກຄ ເມື່ອທຽບໃສ່ຄວາມຮຽນຮ້ອງຕ້ອງ ການຂອງໜ້າທີ່ ການເມືອງໃນໄລຍະໃໝ່ ຂອງພັກ-ລັດ ວາງອອກ ແມ່ນເຕັມໄປດ້ວຍການແຂ່ງຂັນ ແລະ ການເຊື່ອມໂຍງການຮ່ວມມື ກັບພາກສ່ວນຕ່າງໆ ສະນັ້ນ, ໜ່ວຍກໍາມະບານ ສກຄ ຈະຕ້ອງໄດ້ເອົາໃຈໃສ່ສືບຕໍ່ບຸກບືນສູ້ຊົນ: ປະຕິບັດໜ້າທີ່, ສິດ ແລະ ພັນທະຂອງສະມາຊິກກໍາມະບານໃຫ້ຖືກຕ້ອງ, ກໍ່ສ້າງການຈັດຕັ້ງກໍາມະບານໃຫ້ເຂັ້ມແຂ່ງ, ໜັກແໜ້ນ ຢູ່ໃນ ຂົງເຂດວຽກງານທີ່ຕົນຮັບຜິດຊອບ ແລະ ຈັດຕັ້ງປະຕິບັດເນື້ອໃນຂະບວນການຂໍ້ແຂ່ງຂັນ 5 ເປັນເຈົ້າ ໃຫ້ບັນລຸງຕາມເປົ້າໝາຍທີ່ວາງໄວ້ ແລະ ໄດ້ຮັບໝາກຜົນສູງ.




ມາຮອດເວລາ 10:00 ກອງປະຊຸມ ໄດ້ສຳເລັດ ແລະ ກໍ່ໄດ້ກ່າວປິດກອງປະຊຸມ;

ພາບ+ຂ່າວໂດຍ: ໜ່ວຍກຳມະບານສູນລາວເຊີດ.

ຄັງ ຂ່າວ

ພາສາ (Language)

ຕິດຕາມ ລາວເຊີດ

  

ຄົ້ນຫາ