Oh no! Where's the JavaScript?
Your Web browser does not have JavaScript enabled or does not support JavaScript. Please enable JavaScript on your Web browser to properly view this Web site, or upgrade to a Web browser that does support JavaScript.

ລາວເຊີດລາວເຊີດລາວເຊີດ

ຂ່າວ

ສກຄ ເປີດຊຸດຝຶກອົບຮົມ ການທົດລອງຕິດຕັ້ງລະບົບເຝົ້າລະວັງເຄືອຂ່າຍ

A
Alexai ເຜີຍແຜ່ແລ້ວ 1 year ຜ່ານມາ
ສກຄ ເປີດຊຸດຝຶກອົບຮົມ ການທົດລອງຕິດຕັ້ງລະບົບເຝົ້າລະວັງເຄືອຂ່າຍ ໃນຕອນເຊົ້າຂອງວັນທີ 17 ກຸມພາ 2020 ຜ່ານມານີ້ ສູນສະກັດກັ້ນ ແລະ ແກ້ໄຂເຫດການສຸກເສີນທາງຄອມພິວເຕີ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດຝຶກອົບຮົມການທົດລອງຕິດຕັ້ງລະບົບເຝົ້າລະວັງເຄືອຂ່າຍ (Network Monitoring System Installation) ຮ່ວມກັບອົງການຮ່ວມມືສາກົນຂອງປະເທດຍີ່ປຸ່ນ (JICA) ໃນລະຫວ່າງວັນທີ 17-21 ກຸມພາ 2020 ທີ່ ສູນລາວເຊີດ ໂດຍການເປັນ ປະທານຂອງທ່ານ ສຸດສາຄອນ ພົມມະຈັນ ຮອງຫົວໜ້າ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ແລະ ວິ​ຊາ​ການ​ຈາກ​ບັນ​ດາ​ກົມ​/ທຽບ​ເທົ່າອ້ອມຂ້າງກະຊວງເຂົ້າ​ຮ່ວມ.

ໃນໂອກາດນີ້, ທ່ານ ສຸດສາຄອນ ພົມມະຈັນ ຮອງຫົວໜ້າ ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ ໄດ້ກ່າວວ່າ: ປັດຈຸບັນ, ເຕັກໂນໂລຊີການສື່ສານຂໍ້ມູນຂ່າວສານ ໄດ້ມີວິວັດທະນາການຂະຫຍາຍຕົວຢ່າງກວ້າງຂວາງ ແລະ ການນຳໃຊ້ເຕັກໂນໂລຊີທີ່ທັນສະໄໝເຂົ້າໃນວຽກງານຕ່າງໆມີຈໍານວນນັບມື້ນັບເພີ້ມຂື້ນເລື້ອຍໆ, ການແລກປ່ຽນຂໍ້ມູນ-ຂ່າວສານ ມີຄວາມສະດວກວ່ອງໄວ, ແຕ່ໃນທາງກັບກັນ ເມື່ອລະບົບຄອມພິວເຕີມີການເຊື່ອມໂຍງກັນຫລາຍຂື້ນ ພວກເຮົາກໍ່ບໍ່ສາມາດຫຼີກລ້ຽງບັນຫາໄພຄຸກຄາມທີ່ອາດຈະເກີດຂຶ້ນທາງໄຊເບີເປັນຕົ້ນແມ່ນ: ການຮົ່ວໄຫຼຂອງຂໍ້ມູນ, ການທໍາລາຍຖານຂໍ້ມູນສໍາຄັນ,ການແຜ່ກະຈາຍໂປແກມປະສົງຮ້າຍ, ການໂຈລະກໍາ ຂໍ້ມູນທາງດ້ານການເງິນ, ການເຈາະລະບົບເຄືອຂ່າຍ ແລະ ອື່ນໆ.    

ສະນັ້ນ ຈຸດປະສົງ ການຝຶກອົບຮົມໃນຄັ້ງນີ້ ກໍ່ເພື່ອເພີ່ມຂີດຄວາມຮູ້ຄວາມສາມາດ ດ້ານການຮັກສາຄວາມປອດໄພທາງໄຊເບີໃຫ້ກັບວິຊາການສູນລາວເຊີດ ແລະ ກົມທີ່ກ່ຽວຂ້ອງອ້ອມຂ້າງ ກະຊວງ ປທສ, ໂດຍສະເພາະ ໃນການນໍາໃຊ້ລະບົບເປີດ (Open Source) ເຂົ້າໃນການເຝົ້າລະວັງ ແລະ ແຈ້ງເຕືອນໄພຄຸກຄາມທາງໄຊເບີ, ຊຶ່ງພະນັກງານວິຊາການຈະໄດ້ຮຽນຮູ້ໃນການປູພື້ນຖານການພັດທະນາລະບົບ (Open Source) ຈາກຊ່ຽວຊານມະຫາວິທະຍາໄລ ຂອງ ປະເທດ ອິນໂດເນເຊນ ໃນການບໍລິຫານຄຸ້ມຄອງລະບົບ ເພື່ອໃຫ້ສາມາດຕິດຕາມເຝົ້າລະວັງການຈໍລະຈອນຂໍ້ມູນ ແລະ ການໂຈມຕີທາງໄຊເບີ ພ້ອມທັງສາມາດແຈ້ງເຕືອນໃຫ້ໄດ້ທັນສະພາບການ ເພື່ອແກ້ໄຂບັນໄພຄຸກຄາມທາງໄຊເບີຮ່ວມກັນ. 

ຄັງ ຂ່າວ

ພາສາ (Language)

ຕິດຕາມ ລາວເຊີດ

  

ຄົ້ນຫາ

Poster ອາຊຽນ-ຍີ່ປຸ່ນ

ປີ 2018

ປີ 2017


ເບີ່ງທັງໝົດ