Oh no! Where's the JavaScript?
Your Web browser does not have JavaScript enabled or does not support JavaScript. Please enable JavaScript on your Web browser to properly view this Web site, or upgrade to a Web browser that does support JavaScript.

ລາວເຊີດລາວເຊີດລາວເຊີດ

ຂ່າວ

ກົມຄວາມປອດໄພໄຊເບີ ເຜີຍແຜ່ ເຊື່ອມຊືມ ນິຕິກຳ ກ່ຽວກັບ ການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2021

K
Kokkee ເຜີຍແຜ່ແລ້ວ 1 month ຜ່ານມາ
ກົມຄວາມປອດໄພໄຊເບີ ເຜີຍແຜ່ ເຊື່ອມຊືມ ນິຕິກຳ ກ່ຽວກັບ ການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2021

ໃນວັນທີ່ 26 ພຶດສະພາ 2022 ນີ້, ກົມຄວາມປອດໄພໄຊເບີ (ກຄຊ) ໄດ້ຈັດກອງປະຊຸມເຜີຍແຜ່ ເຊື່ອມຊຶມ ນິຕິກໍາ ກ່ຽວກັບ ການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ, ທີ່ຫ້ອງຝຶກອົບຮົມ ຊັ້ນ 6 ກຄຊ, ໂດຍການເປັນປະທານ ຂອງ ທ່ານ ນາງ ພິສິດໄພ ກອກມີລາ, ຮອງຫົວໜ້າກົມຄວາມປອດໄພໄຊເບີ, ມີບັນດາຫົວໜ້າພະແນກ, ຮອງພະແນກ ພ້ອມດ້ວຍ ພະນັກງານ-ລັດຖະກອນ ພາຍໃນກົມ ເຂົ້າຮ່ວມຈຳນວນ 23 ທ່ານ.

ໃນກອງປະຊຸມດັ່ງກ່າວ, ທ່ານ ນາງ ພິສິດໄພ ກອກມີລາ ໄດ້ກ່າວວ່າ: ການປະເມີນຜົນການປະຕິບັດວຽກງານພະນັກງານ-ລັດຖະກອນ ເປັນວຽກທີ່ສຳຄັນ ແລະ ຈຳເປັນ ເພື່ອພັດທະນາບຸກຄະລາກອນ ແລະ ການຈັດຕັ້ງ, ຜ່ານການຕີລາຄາ ແລະ ປະເມີນ ພວກເຮົາຈະຮູ້ໄດ້ຈຸດດີ, ຈຸດອ່ອນ ແລະ ຂໍ້ຄົງຄ້າງ ຂອງ ພະນັກງານແຕ່ລະປະເພດ ເຮົາຈຶ່ງຈະຂື້ນແຜນບຳລຸງ  ຍົກສູງລະດັບຄວາມຮູ້ຄວາມສາມາດ ໃຫ້ແທດເໝາະກັບສະພາບຕົວຈິງ, ພ້ອມນັ້ນ ທ່ານ ປະທານ ກໍ່ໄດ້ເຜີຍແຜ່ 02 ເອກະສານສຳຄັນຄື: ດຳເລັດ ວ່າດ້ວຍ: ການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ສະບັບເລກທີ 300/ລບ, ລົງວັນທີ 13 ກັນຍາ 2017 ແລະ ຄໍາແນະນຳການຈັດຕັ້ງປະຕິບັດດຳລັດວ່າດ້ວຍ: ການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ, ສະບັບເລກທີ 06/ພນ, ລົງວັນທີ 02 ພຶດສະພາ 2018, ຈຸດປະສົງ ເພື່ອໃຫ້ພະນັກງານ ລັດຖະກອນທັງໝົດພາຍໃນກົມ ມີຄວາມເຂົ້າໃຈ ຈະແຈ້ງ ເລິກເຊິ່ງ ຕື່ມ ໃນດ້ານຫຼັກການ, ຂັ້ນຕອນ, ເນື້ອໃນມາດຕະຖານແຕ່ລະດ້ານ ໃນການວັດແທກປະເມີນ ແລະ ວິທີການດຳເນີນການປະເມີນ ເພື່ອເຮັດໃຫ້ວຽກງານດັ່ງກ່າວດໍາເນີນໄປຢ່າງເປັນລະບົບ ຖືກຕ້ອງ, ສອດຄ່ອງ ກັບແນວທາງນະໂຍບາຍຂອງພັກ ແລະ ກົດໝາຍຂອງລັດ ຮັບປະກັນຄວາມເປັນເອກະພາບ ໂປ່ງໃສ ແລະ ຖືກຕ້ອງຕາມສະພາບຄວາມເປັນຈິງ ເພື່ອໃຫ້ຜົນຂອງການປະເມີນສາມາດນຳໃຊ້ເປັນຂໍ້ມູນ ໃນວຽກງານຄຸ້ມຄອງກໍ່ຄືວຽກງານ ພັດທະນາ ແລະ ກໍ່ສ້າງ ພະນັກງານ - ລັດຖະກອນ ໃນປະຈຸບັນ ແລະ ຍາວນານ.

ໃນຕອນທ້າຍ ທ່ານປະທານໄດ້ເນັ້ນໃຫ້ພະນັກງານ-ລັດຖະກອນທັງໝົດ ໃຫ້ເອົາໃຈໃສ່ຢ່າງຕັ້ງໜ້າ ດ້ວຍຄວາມຮັບຜິດຊອບສູງ ເພື່ອເຮັດໃຫ້ການດຳເນີນວຽກງານປະເມີນຜົນການປະຕິບັດວຽກງານໃນຄັ້ງນີ້ ມີປະສິດທິພາບ ແລະ ປະສິດທິຜົນດີ ພ້ອມທັງສຳເລັດຕາມແຜນການທີ່ກຳນົດໄວ້.
 
ມາຮອດເວລາ 11:00 ໂມງ ກອງປະຊຸມ ໄດ້ສຳເລັດ ແລະ ກໍ່ໄດ້ກ່າວປິດກອງປະຊຸມ;
ພາບ+ຂ່າວໂດຍ: ພະແນກ ສັງລວມ.



ຄັງ ຂ່າວ

ພາສາ (Language)

ຕິດຕາມ ລາວເຊີດ

  

ຄົ້ນຫາ