1. AGI Threat Landscape: ເມື່ອ​ AI ສະຫຼາດ​ກວ່າ​ເຮົາ​

AGI (Artificial General Intelligence) ກຳ​ລັງ​ເຂົ້າໃກ້​ຄວາມ​ສາມາດ​ລະ​ດັບ​ມະນຸດຫຼາຍ​ຂຶ້ນ​ທຸກ​ມື້​ ເມື່ອ​ແຮັກ​ເກີ​ (Hacker) ​ສາມາດ​ໃຊ້​ AGI ວິ​ເຄາະ​ລະບົບ​, ສ້າງ​ Payload, ເຈາະ​ລະບົບ​ ທັງ​ໝົດນີ້ສາມາດເຮັດໄດ້​ພາຍ​ໃນ​ບໍ່​ພໍເທົ່າໃດ​ວິ​ນາ​ທີ​, ການ​ໂຈມ​ຕີ​ກໍ​່ຈະ​ເປັນ​ແບບ​ ອັດ​ໂນ​ມັ​ດ ແລະ​ ຄາດ​ເດົາ​ບໍ່​ໄດ້​.

ສິ່ງ​ທີ່​ອົງ​ກອນຕ້ອງ​ເຮັດ​: ວາງ​ນະໂຍບາຍ​ການ​ໃຊ້​ AI ຢ່າງ​ປອດ​ໄພ ແລະ​ ກະກຽມ​ເຄື່ອງ​ມື​ສຳລັບການ​ກວດ​ຈັບ​ພຶດຕິກຳ​ທີ່ຜິດ​ປົກກະຕິ​ແບບ​ Real-time.

2. Deepfake-as-a-Service: ປອມ​ທຸກ​ຢ່າງ​ພຽງແຕ່ກົດເມົ້າສອງສາມຄັ້ງ​

ແຮັກ​ເກີ​​ບໍ່​ຕ້ອງ​ສ້າງ​ Deepfake ເອງ​ອີກ​ຕໍ່ໄປ​, ສາມາດ​ “ຊື້​” ໄດ້​ຈາກ​ຕະຫຼາດ​ໃຕ້​ດິນ​.

• ປອມ​ສຽງ​ຜູ້​ບໍລິຫານ​ໂທ​ຫາ​ຝ່າຍ​ບັນຊີ​;
• ສ້າງ​ວິ​ດີ​ໂອປະ​ຊຸມ​ປອມ​ເພື່ອ​ຫຼອກ​ຄູ່ຮ່ວມທຸລະກິດ;​
• ປອມ​ເອກະສານທາງ​ການ​ເພື່ອ​ເຂົ້າ​ເຖິງ​ລະບົບ​.

 ນີ້​ຄື​ໄພຄຸກຄາມ​ໃໝ່​ທີ່​ໃຊ້​ “AI ບິດ​ເບືອນ​ຄວາມ​ຈິງ​” ຢ່າງ​ແນບນຽນທີ່ສຸດ​

3. Cloud Takeover: ເມກ​ທີ່​ບໍ່​ປອດ​ໄພ​ອີກ​ຕໍ່ໄປ​

ເມື່ອ​ອົງກອນ​ໃຊ້​ Multi-Cloud ຫຼາຍ​ຂຶ້ນ​ ຊ່ອງ​ໂຫວ່​ໃນ​ການ​ກຳນົດ​ສິດ​ (Misconfiguration) ກໍ່​ເພີ່ມ​ຂຶ້ນ​ເຊັ່ນກັນ.

• ໂຈມ​ຕີ​ໂດຍ​ແຊກ​ໂຕ​ເຂົ້າໄປ​ລະຫວ່າງ​ Cloud Account ທີ່​ເຊື່ອມ​ໂຍງ​ກັນ​;
• ດຶງ​ຂໍ້​ມູນ​ຈາກ​ S3 ທີ່​ເປີດ​ໂດຍ​ບໍ່​ຕັ້ງ​ໃຈ​;
• Hijack ລະບົບ​ CI/CD ທີ່​ຜູກຕິດ​ກັບ​ Cloud API.

ຕ້ອງ​ຍົກ​ລະດັບ​ Cloud Security Monitoring ເປັນ​ແບບຕໍ່​ວິ​ນາ​ທີ​ ບໍ່​ແມ່ນ​ຕໍ່​ມື້​.

4. Shadow AI: AI ທີ່​ຝ່າຍ​ໄອ​ທີ​ບໍ່​ຮູ້​ວ່າ​ມີ​

ພ​ະນັກ​ງານ​ໃຊ້​ງານ​ເຄື່ອງ​ມື​ AI ເຊັ່ນ​: Copilot, Notion AI, ChatGPT ໂດຍ​ບໍ່​ຜ່ານ​ລະບົບ​ຂອງ​ອົງ​ກອນ​
ນັ້ນ​ຄື​ “ຊ​່ອງໂຫວ່​ເຊື່ອງຊ້ອນ​” ທີ່​ເຮັດໃຫ້​ຂໍ້​ມູນ​ສຳຄັນ​ຮົ່ວ​ໄຫຼ​ໂດຍ​ບໍ່​ຮູ້​ຕົວ​.

ຕ້ອງ​ມີ​ລະບົບ​ກວດ​ຈັບ​ການ​ໃຊ້​ AI ພາຍ​ໃນ​ອົງ​ກອນ​ ແລະ ​ສ້າງ​ Awareness ທັນ​ທີ​.

5. Human Manipulation 3.0: AI ຊ່ວຍ​ຫຼອກລວງ​ເຮົາ​ເກັ່ງ​ຂຶ້ນ​

ຈາກ​ເແບບເກົ່າ​ຄື​ Phishing Email -> ກາຍ​ເປັນ​ AI-Powered Social Engineering

• AI ວິ​ເຄາະ​ໂພສໃນສື່ສັງຄົມອອນລາຍເປົ້າໝາຍ​ ແລ້ວ​ສົ່ງ​ຂໍ້ຄວາມ​ທີ່​ເປົ້າໝາຍ​ “ເຊື່ອ​ວ່າ​ເປັນ​ເລື່ອງ​ຈິງ​”;
• ບັອດ​ຕອບ​ແຊດ (Chatbot) ​ຢ່າງ​ມີ​ເຫດຜົນ​ຈົນ​ແຍກ​ບໍ່​ອອກ​ວ່າ​ບໍ່​ແມ່ນ​ມະນຸດ​.

AI ບໍ່ພຽງ​ແຕ່​ “ຫຼອກ​ລວງ” ແຕ່​ “ໂນ້ມ​ນ້າວ​” ໄດ້​ຢ່າງ​ຊໍານານ​

6. Post-Quantum Threats: ລະຫັດ​ລັບ​ທີ່​ບໍ່​ມີ​ທາງ​ປອດໄ​ພອີກ​ຕໍ່ໄປ​

Quantum Computer ທີ່​ກຳ​ລັງ​ພັດທະນາ​ຢ່າງ​ວ່ອງໄວ​ ຈະ​ສາມາດ​ຖອດ​ລະ​ຫັດ​ RSA ຫຼື​ ECC ໄດ້​ພາຍໃນ​ບໍ່ເທົ່າໃດ​ນາ​ທີ​.

• Certificate Digital ທີ່​ໃຊ້​ປັດຈຸບັນ​ອາດ​ຖືກ​ທຳລາຍ​ໝົດ​;
• ອົງ​ກອນ​ຕ້ອງ​ເລີ່ມ​ພິຈາລະນາ​ເຕັກ​ໂນ​ໂລ​ຊີ Post-Quantum Cryptography (PQC);

7. Cybercrime-as-a-Platform: ອາຊະຍາກໍາ​ທາງໄຊ​ເບີ​ແບບ​ສະໝັກ​ໃຊ້​ບໍລິການ​

ບໍ່​ຈຳ​ເປັນ​ຕ້ອງ​ມີ​ທັກ​ສະການ​ແຮັກ​ ກໍ​່ສາມາດ​ສະໝັກ​ບໍລິການ​ “ແຮັກ​ຕາມ​ສັ່ງ​” ໄດ້​ແລ້ວ​.

• ບໍລິການ​ຂາຍ​ Zero-day;
• ແພັດ​ຟອມ (Platform) ​ແຈກ​ Ransomware + Dashboard ຈັດການ​ເຫຢື່ອ​;
• ບໍລິການ​ຫຼົບ​ຫຼີກລະບົບ​ກວດ​ຈັບ​ແບບ​ Subscription.

ອົງ​ກອນຕ້ອງ​ຮູ້​ເທົ່າ​ທັນ​ຮູບ​ແບບ​ “ເສດຖະກິດ​ໃຕ້​ດິນ​” ເຫຼົ່າ​ນີ້​.

8. AI Forensics: ສືບ​ສວນແນວໃດ​ເມື່ອ​ຄົນຮ້າຍ​ຄື​ AI

ເມື່ອ​ລະບົບ​ຖືກ​ເຈາະ​ໂດຍ​ AI  ຫຼັກ​ຖານ​ທີ່​ໄດ້​ອາດ​ຈະບໍ່​ແມ່ນ​ Log ປົກກະຕິ​ ອົງ​ກອນຕ້ອງ​ພັດທະນາ​ເຄື່ອງ​ມື​ AI Forensics ສຳລັບ​ກວດ​ສອບ​ການ​ກະທຳ​ທີ່​ “AI ສ້າງ​ຂຶ້ນ​ເອງ​” ແລະ​ “ບໍ່​ຖິ້ມ​ຮ່ອງ​ຮອຍ​ແບບ​ມະນຸດ​”.

9. Zero Trust Architecture: ຈາກ​ແນວ​ຄິດ​ສູ່​ການ​ປະຕິບັດ​ຕົວຈິງ​

ບໍ່​ແມ່ນພຽງແຕ່​ “Zero Trust” ທີ່​ຢູ່​ເທິງ​ບົດນໍາສະເໜີ​ ແຕ່​ຕ້ອງ​ລົງ​ມື​ເຮັດຕົວ​ຈິງ​.

• ການ​ພິສູດ​ຕົວ​ຕົນ​ທຸກ​ເທື່ອ​ທີ່​ເຂົ້າ​ໃຊ້​ງານ​;
• ບໍ່​ເຊື່ອມ​ຕໍ່​ໂດຍ​ອັດຕະ​ໂນ​ມັດ ເຖິງ​ແມ່ນວ່າຈະຢູ່​ໃນ​ເຄືອ​ຂ່າຍ​ພາຍ​ໃນ​;
• ມີ​ການ​ປະ​ເມີນ​ພຶດຕິກຳ​ຂອງ​ຜູ້​ໃຊ້​ຢ່າງ​ຕໍ່​ເນື່ອງ​ (Behavioral Baseline).

10. Cyber Resilience Strategy: ປັບ​ຕົວ​ໃຫ້​ໄວ​ ແລະ​ ຟື້ນ​ຕົວ​ໃຫ້​ໄວ​

ຈາກ​ Security ໄປ​ສູ່​ Resilience ເຈົ້າ​ອາດ​ຈະບໍ່​ສາມາດ​ປ້ອງ​ກັນ​ການ​ໂຈມ​ຕີ​ໄດ້​ 100% ແຕ່​ຕ້ອງ​ຟື້ນ​ຕົວ​ໄດ້​ໄວ​ທີ່ສຸດ​.

• ມີ​ Playbook ສຳລັບ​ຮັບ​ມື​ Ransomware;
• ຊ້ອມ​ Attack Simulation ເປັນ​ປະຈຳ​;
• ມີ​ Cyber Insurance ທີ່​ເຂົ້າໃຈ​ຄວາມ​ສ່ຽງ​ຍຸກ​ໃໝ່​.

ເອກະສານອ້າງອີງ:

1. https://www.techtalkthai.com/top-10-cyber-trends-2026-cdic-2025-guest-post/