ສຳລັບ​ສາ​ເຫດ​ທີ່ຊ໋ອບ​ແວໃນ​ປະຈຸບັນ​ຍັງ​ຄົງ​ຮອງ​ຮັບ Cipher suite ທີ່​ມີ​ຄວາມ​ແຂງ​ແຮງ​ຕ່ຳ​ນັ້ນ ມີ​ທີ່​ມາ​ຈາກ​ຂໍ້​ບັງຄັບ​ຂອງ ສະຫະລັດອາລິ​ກາ ​ໃນ​ສະໄໝ​ກ່ອນ​ທີ່​ກຳນົດ​ໃຫ້​ນັກ​ພັດທະນາ​ຕ້ອງຫຼຸດ​ຄວາມ​ແຂງ​ແຮງ​ຂອງ Cipher suite ລົງ​ກ່ອນທີ່ຈະ​ສົ່ງ​ຜະລິດຕະພັນ ຫຼື ​ເທັກ​ໂນ​ໂລ​ຍີ​ໃດໆ ທີ່​ກ່ຽວ​ຂ້ອງ​ອອກ​ນອກ​ປະເທດ (Cipher suite ທີ່​ຖືກ​ຫຼຸດ​ຜ່ອນ​ຄວາມ​ແຂງ​ແຮງ​ລົງ​ເຫຼົ່າ​ນີ້​ມັກ​ຖືກ​ເອີ້ນວ່າ​ເປັນ​ແບບ Export-grade ໂດຍ​ຈະ​ມີ​ຄຳ​ວ່າ EXP ຫຼື EXPORT ປະກົດ​ຢູ່ໃນ​ຊື່​ຂອງ Cipher suite) ສົ່ງ​ຜົນ​ໃຫ້​ອັນ​ກໍ​ລິ​ທຶມ RSA ທີ່​ຖືກ​ໃຊ້​ງານ​ນອກ ສະຫາລັດອາເມ​ລິ​ກາ ຈະ​ມີ​ຄວາມ​ຍາວ​ຂອງ​ກຸນ​ແຈ​ເຂົ້າ​ລະ​ຫັດ​ລັບ​ໄດ້​ສູງ​ສຸດ​ພຽງ 512 bits ຊຶ່ງ​ປະຈຸບັນ​ຖື​ວ່າ​ມີ​ຄວາມ​ແຂງ​ແຮງ​ຕ່ຳ​ ແລະ​ ບໍ່​ແນະ​ນຳ​ໃຫ້​ໃຊ້​ງານ​ແລ້ວ ໃນ​ຂະນະ​ທີ່​ລະບົບ​ຕ່າງໆ ທີ່​ເປີດ​ໃຫ້​ບໍລິການ​ພາຍ​ໃນ​ ສະຫາລັດອາເມ​ລິ​ກາ​ ກໍ່​ຈຳ​ເປັນ​ທີ່​ຈະ​ຕ້ອງ​ຮອງ​ຮັບ Cipher suite ເຫຼົ່າ​ນີ້ ເພື່ອ​ໃຫ້​ຜູ້​ໃຊ້​ທີ່​ຢູ່​ນອກ ສະຫາລັດອາເມ​ລິ​ກາ ​ສາມາດ​ເຂົ້າ​ມາ​ໃຊ້​ງານ​ໄດ້ ຊຶ່ງ​ໃນ​ປະຈຸບັນ​ພົບ​ວ່າ​ມີ​ເວບ​ໄຊຈຳນວນ​ຫຼາຍ​ທີ່​ຍັງ​ຄົງ​ຮອງ​ຮັບ RSA export-grade cipher suite ຢູ່  [5][6]

ຈາກ​ຜົນ​ການ​ວິ​ໄຈ​ໂດຍ​ນັກ​ວິ​ໄຈ​ຈາກ University of Michigan ພົບ​ວ່າ ເວບ​ໄຊ​ທີ່​ໃຊ້​ໂປ​ໂຕ​ຄອນ HTTPS ກວ່າ 36.7% ຈາກ​ທົ່ວ​ໂລກ​ຍັງ​ຄົງ​ຮອງ​ຮັບ RSA export-grade cipher suite  [7] .

ຜົນ​ກະທົບ

ຜູ້​ໃຊ້​ທົ່ວ​ໄປ​ມີ​ຄວາມ​ສ່ຽງ​ທີ່​ຈະ​ຖືກ​ໂຈມ​ຕີ​ດ້ວຍ​ເທກ​ນິກ Man-in-the-middle ສົ່ງ​ຜົນ​ໃຫ້​ຜູ້​ບໍ່​ຫວັງ​ດີ​ສາມາດ​ດັກ​ຮັບ​ແລະ ​ຖອດລະ​ຫັດ​ລັບ​ຂໍ້​ມູນ​ທີ່​ຮັບ​ສົ່ງ​ກັນ​ລະຫວ່າງ​ຜູ້​ໃຊ້ ​ແລະ​ ເຊີເວີ ໂດຍ​ທີ່​ຜູ້​ໃຊ້​ຈະ​ບໍ່​ພົບ​ເຫັນ​ຄວາມ​ຜິດ​ປົກກະຕິ​ໃດໆ ຕົວ​ຢ່າງ​ເຊັ່ນ ຜູ້​ໃຊ້​ຈະ​ຍັງ​ຄົງ​ເຫັນ​ວ່າ SSL certificate ຂອງ​ເວບ​ໄຊທີ່​ໃຊ້​ໂປ​ໂຕຄອນ HTTPS ໄດ້ຮັບ​ການ​ຮັບຮອງ​ຢ່າງ​ຖືກ​ຕ້ອງ

ລະບົບ​ທີ່​ໄດ້ຮັບ​ຜົນ​ກະທົບ

• OpenSSL ເວີ​ຊັ່ນ​ດັ່ງ​ຕໍ່ໄປ​ນີ້
  • ເວີຊັ່ນ 1.0.1 ທີ່​ຕ່ຳ​ກວ່າ 1.0.1k
  • ເວີຊັ່ນ 1.0.0 ທີ່​ຕ່ຳ​ກວ່າ 1.0.0p
  • ເວີ​ຊັ່ນ 0.9.8 ທີ່​ຕ່ຳ​ກວ່າ 0.9.8zd

• Android Browser (ເວບ​ບ​ຣາວ​ເຊີ​ທີ່​ມາ​ພ້ອມ​ກັບ​ລະບົບ​ປະຕິບັດການ Android)
• Safari ເທິງ​ລະບົບ​ປະຕິບັດການ OS X ແລະ iOS

ຂໍ້​ແນະ​ນຳ​ໃນ​ການ​ປ້ອງ​ກັນ​ແລະ​ແກ້​ໄຂ

ສຳລັບ​ຜູ້​ໃຊ້​ທົ່ວ​ໄປ                                                        

1. ກວດ​ສອບ​ເວບ​ບ​ຣາວ​ເຊີທັງ​ເທິງ​ຄອມພິວເຕີ ​ແລະ​ ອຸປະກອນ​ພົກ​ພາ​ວ່າ​ໄດ້ຮັບ​ຜົນ​ກະທົບ​ຈາກ​ຊ່ອງ​ໂຫ່ວ​ດັ່ງ​ກ່າວ ​ຫຼື​ ບໍ່ ໂດຍ​ເຂົ້າ​ເວບ​ໄຊ https://freakattack.com/clienttest.html ຫາກ​ພົບ​ຂໍ້ຄວາມ​ພື້ນ​ຫລັງ​ສີ​ແດງ ສະແດງ​ວ່າ​ເວບ​ບ​ຣາວ​ເຊີ​ດັ່ງ​ກ່າວ​ມີ​ຄວາມ​ສ່ຽງ​ທີ່​ອາດ​ຖືກ​ໂຈມ​ຕີ​ໄດ້

ຮູບ​ທີ 1 ຕົວ​ຢ່າງ​ຂໍ້ຄວາມ​ທີ່​ສະແດງ​ວ່າ​ເວບ​ບ​ຣາວ​ເຊີ​ຂອງ​ຜູ້​ໃຊ້​ມີ​ຄວາມ​ສ່ຽງ​ທີ່​ອາດ​ຖືກ​ໂຈມ​ຕີ

  2. ໃນ​ລະຫວ່າງ​ທີ່​ຖ້າການປັບປຸງ​ ຈາກ​ທາງ​ຜູ້​ຜະລິດ ສຳລັບ​ຜູ້​ທີ່​ໃຊ້ Android Browser ຫຼື Safari ແນະ​ນຳ​ໃຫ້​ຫຼີ​ກລ້ຽງ​ໄປ​ໃຊ້​ເວບ​ບ​ຣາວ         ເຊີ​ຕົວ​ອື່ນ​ຊົ່ວ​ຄາວ​ກ່ອນ​ໄດ້​ແກ່ Mozilla Firefox

  3. ປັບປຸງ​ເວບ​ບ​ຣາວ​ເຊີ ແລະ ​ລະບົບ​ປະຕິບັດການ​ຢ່າ​ງສະໝ່ຳສະເໝີ

ສຳລັບ​ຜູ້​ເບິ່ງແຍງ​ລະບົບ

1. ກວດ​ສອບ​ວ່າ​ ເຊີເວີ​ທີ່​ໃຊ້​ງານ​ໂປ​ໂຕຄອນ SSL/TLS ຮອງ​ຮັບ RSA export-grade cipher suite ຫຼື ​ບໍ່ ໂດຍ​ສາມາດ​ເລືອກ​ໃຊ້​ວິທີ​ໃດ​ວິທີ​ໜຶ່ງ​ດັ່ງ​ຕໍ່ໄປ​ນີ້
   • ພິມ​ຄຳ​ສັ່ງ​ດັ່ງ​ຕໍ່ໄປ​ນີ້​ຜ່ານ​ໂປຣ​ແກຣມ Terminal

openssl s_client -connect <ໂດ​ເມນ​ເນມ​ ຫຼື ໝາຍ​ເລກ​ໄອ​ພີ​ຂອງ​ ເຊີເວີ>: <ໝາຍ​ເລກ​ຜອດ> -cipher EXPORT

ຫາກ​ຜົນ​ລັບ​ທີ່​ໄດ້​ມີ​ຂໍ້ຄວາມ​ວ່າ handshake failure ສະແດງ​ວ່າ​ ເຊີເວີ​ບໍ່​ໄດ້ຮັບ​ຜົນ​ກະທົບ​ຈາກ​ຊ່ອງ​ໂຫ່ວ​ນີ້ ແຕ່​ຖ້າ​ຜົນ​ຮັບ​ທີ່​ໄດ້​ສະແດງ​ລາຍ​ລະອຽດ​ຂອງ SSL certificate ທາງເຊີເວີ ສະແດງ​ວ່າ​ ເຊີເວີຮອງ​ຮັບ RSA export-grade cipher suite ຊຶ່ງ​ເທົ່າ​ກັບ​ວ່າ​ ເຊີເວີ​ດັ່ງ​ກ່າວ​ມີ​ຄວາມ​ສ່ຽງ​ທີ່​ອາດ​ຖືກ​ໂຈມ​ຕີ​ໄດ້ 

• ເຂົ້າ​ເວບ​ໄຊ  https://www.ssllabs.com/ssltest ແລ້ວ​ລະ​ບຸ​ໂດ​ເມນ​ເນມ​ຂອງ​ເວບ​ໄຊທີ່​ຕ້ອງ​ການ​ກວດ​ສອບ ເມື່ອ​ສະ​ແກນ​ສຳເລັດ​ໃຫ້​ເບິ່ງ​ຜົນ​ລັບ​ໃນ​ສ່ວນ​ຂອງ Cipher Suites ຫາກ​ພົບ​ວ່າ​ມີ Cipher suite ລາຍ​ການ​ໃດ​ທີ່​ມີ​ຄຳ​ວ່າ RSA_EXPORT ສະແດງ​ວ່າ​ເວບ​ໄຊ​ດັ່ງ​ກ່າວ​ຮອງ​ຮັບ RSA export-grade cipher suite ຊຶ່ງ​ມີ​ຄວາມ​ສ່ຽງ​ທີ່​ອາດ​ຖືກ​ໂຈມ​ຕີ​ໄດ້

ຮູບ​ທີ 2 ຕົວ​ຢ່າງ​ຜົນ​ກາ​ນສະ​ແກນ​ທີ່​ລະ​ບຸ​ວ່າ​ເວບ​ໄຊ​ຮອງ​ຮັບ RSA export-grade cipher suite

  2. ປັບປຸງ OpenSSL ທັງ​ນີ້​ໝາຍ​ເລກ​ເວີ​ຊັ່ນ​ຂອງ OpenSSL ເທິງ​ລະບົບ​ປະຕິບັດການ Linux ນັ້ນ ອາດ​ບໍ່​ໄດ້​ສອດ​ຄ່ອງ​ກັບ​ເວີຊັ່ນ​ທີ່​ໄດ້ຮັບ​ຜົນ​ກະທົບ​ດັ່ງ​ທີ່​ກ່າວ​ໄວ້​ຂ້າງ​ຕົ້ນ ຢ່າງໃດ​ກໍ່​ຕາມ​ຫາກ​ຜູ້​ເບິ່ງແຍງ​ໄດ້​ປັບປຸງ OpenSSL ຕັ້ງ​ແຕ່​ເມື່ອ​ຊ່ວງ​ກາງ​ເດືອ​ນມັງກອນ​ທີ່​ຜ່ານມາ ສະແດງ​ວ່າຊ໋ອບແວ​ໄດ້ຮັບ​ການ​ແກ້​ໄຂ​ຊ່ອງ​ໂຫ່ວແລ້ວ

ອ້າງ​ອີງ

1. https://www.smacktls.com
2. https://cve.mitre.org/cgi-bin/cvename.cgi?name=CVE-2015-0204
3. https://www.openssl.org/news/secadv_20150108.txt
4. http://www.reuters.com/article/2015/03/03/us-apple-cybersecurity-idUSKBN0LZ2GA20150303
5. http://blog.cryptographyengineering.com/2015/03/attack-of-week-freak-or-factoring-nsa.html
6. https://blogs.akamai.com/2015/03/cve-2015-0204-getting-out-of-the-export-business.html
7. https://freakattack.com
8. https://freakattack.com/vulnerable.txt