Trend Micro ເບິ່ງໄກໄປເຖິງ 10 ປີ ເປີດເຜີຍໃຫ້ເຫັນວ່າໄພຄຸກຄາມທາງໄຊເບີ ປີ 2030 ໄປໄກຫຼາຍກວ່າທີ່ຄິດ
ເອວາ ເສີນ ແລະ ຣິກ ເຟີຣ໌ກູສັນ
ອາຊະຍາກໍາຄອມພິວເຕີ ປີ 2021 ວ່າຮ້າຍແຮງແລ້ວ ແຕ່ອີກ 10 ປີ ຂ້າງໜ້າ ໄພຄຸກຄາມທາງໄຊເບີຈະຍິ່ງຮ້າຍແຮງຂຶ້ນຕື່ມອີກ ເປັນສັນຍານວ່າທຸກຄົນທຸກຝ່າຍຄວນປັບຕົວ ເພື່ອຮັບມືກັບໂລກທີ່ມີສະຖານະການດັ່ງກ່າວ.
ຣິກ ເຟີຣ໌ກູສັນ (Rik Ferguson) ຮອງປະທານຝ່າຍວິໄຈຄວາມປອດໄພຂອງບໍລິສັດ Trend Micro ໃຊ້ເວລາ 10 ນາທີໃນງານ Trend Micro Perspectives 2021 ອະທິບາຍພາບລວມ ຂອງໄພໄຊເບີ ປີ 2030 ໄດ້ຢ່າງຕື່ນຕາຕື່ນໃຈ ຜ່ານເນື້ອຫາຈາກໂຄງການວິໄຈຫຼ້າສຸດທີ່ເຮັດຂຶ້ນມາ ເພື່ອໃຫ້ທຸກອົງກອນ ແລະ ທຸກປະເທດສາມາດເບິ່ງເຫັນ, ນໍາທັນ ແລະ ວາງແຜນໃນໄລຍະຍາວໄດ້ທັນການ.
ໂຄງການນີ້ມີຊື່ວ່າ Project 2030 ຊຶ່ງເປັນພາກຕໍ່ຫຼັງຈາກທີ່ Trend Micro ເຄີຍສະແດງລາຍງານ Project 2020 ໃນປີ 2012 ທີ່ຖືກຕ້ອງຫຼາຍເລື່ອງມາແລ້ວ ຄວາມໜ້າສົນໃຈຂອງໂຄງການໃໝ່ຍັງກ່ຽວຂ້ອງໂດຍກົງກັບສະຖິຕິ ໃນປີ 2020 ທີ່ Trend Micro ຊີ້ໃຫ້ເຫັນວ່າສຳນັກງານ FBI ຂອງສະຫາລັດອາເມລິກາໄດ້ຮັບການຮ້ອງຮຽນຫຼາຍກວ່າ 2,000 ເລື່ອງທຸກມື້ ກ່ຽວກັບອາຊະຍາກໍາທາງອິນເຕີເນັດ.
ຈຳນວນຂໍຮ້ອງຮຽນທີ່ເພີ່ມຂຶ້ນ 69% ເມື່ອທຽບເປັນລາຍປີ ໂດຍຄິດເປັນຄວາມເສຍຫາຍທັງໝົດເຖິງ 4,200 ລ້ານດອນລາສະຫາລັດ ຫຼື ປະມານຫຼາຍກວ່າ 93 ຕື້ຕື້ກີບ ສະຖິຕິທັງໝົດມີແນວໂນ້ມເພີ່ມຂຶ້ນອີກຕໍ່ເນື່ອງຕະຫຼອດ 10 ປີນັບຈາກນີ້.
ເອວາ ເສີນ ຜູ້ຮ່ວມກໍ່ຕັ້ງ ແລະ ປະທານເຈົ້າຫນ້າທີ່ບໍລິຫານ Trend Micro ຢ້ຳເຖິງຄວາມສຳຄັນທີ່ທຸກຄົນຈະຕ້ອງລະວັງຕົວຢ່າງເລັ່ງດ່ວນ ໂດຍບອກວ່ານາທີນີ້ອາຊະຍາກອນໄຊເບີຍັງໂຈມຕີຫຼາຍຂຶ້ນ ເພາະໃນປີ 2020 ຂະບວນການມັນແວຮຽກຄ່າໄຖ່ (Ransomware) ເພີ່ມຂຶ້ນ 34% ແລະ ພາກສ່ວນທຸລະກິດທີ່ໄດ້ຮັບຜົນກະທົບສູງສຸດຄື ລັດຖະບານ, ການທະນາຄານ, ການຜະລິດ, ການເບິ່ງແຍງສຸຂະພາບ, ການເງິນ, ການສຶກສາ, ເຕັກໂນໂລຊີ, ອາຫານ ແລະ ເຄື່ອງດື່ມ, ນໍ້າມັນ ແລະ ແກສ ລວມເຖິງການປະກັນໄພ ຕາມລຳດັບ.
ນອກຈາກນີ້, ການປ່ຽນແປງໂຄງສ້າງພື້ນຖານ ແລະ ພຶດຕິກຳຂອງຜູ້ໃຊ້ລ້ວນແຕ່ກຳລັງກໍ່ໃຫ້ເກີດໄພຄຸກຄາມທາງໄຊເບີ ໂດຍສະເພາະການໃຊ້ຄລາວ (Cloud Computing) ທີ່ອົງກອນຄວນຕ້ອງໃຊ້ເຄື່ອງມືປ້ອງກັນທີ່ອອກແບບມາສະເພາະທາງ ສຳລັບສະຖາປັດຕະຍາກໍາການປະມວນຜົນແບບຄລາວ.
ກະກຽມຍຸດທະສາດໄລຍະຍາວ
Project 2030 ທີ່ ຣິກ ເຟີຣ໌ກູສັນ ນໍາມາເລົ່ານັ້ນ ບໍ່ໄດ້ເນັ້ນທຳນາຍອະນາຄົດຂອງໄພຄຸກຄາມທາງໄຊເບີໃນປະເທດໃດປະເທດໜຶ່ງ ແຕ່ໃຊ້ວິທີຄາດການໃນເມືອງສົມມຸດ ນັ້ນຄືເມືອງນິວຊານໂຈແບນ (New San Joban) ທີ່ຈະເປັນພື້ນທີ່ສົມມຸດ ຊຶ່ງລວມສະຖານະການຈາກການປະເມີນພື້ນຖານໄພຄຸກຄາມ ແລະ ອາຊະຍາກອນໄຊເບີໃນປັດຈຸບັນ ລວມເຖິງຄຸນສົມບັດຫຼັກອື່ນໆຂອງລະບົບແວດລ້ອມສຳລັບການຮັກສາຄວາມປອດໄພທາງໄຊເບີ.
‘ເຮົາໃຊ້ຂໍ້ມູນຂອງອົງກອນລະຫວ່າງປະເທດເຊັ່ນ: ຕຳຫຼວດສາກົນ, ອົງການສະຫະປະຊາຊາດ, ລວມເຖິງໄພຄຸກຄາມທາງໄຊເບີທີ່ກ່ຽວຂ້ອງກັບໂຄວິດ-19 ຂະຫຍາຍໄປນອກເໜືອຈາກອາຊະຍາກໍາທາງອິນເຕີເນັດ ທີ່ມີແຮງຈູງໃຈທາງການເງິນຮ່ວມກັບການຄາດການໄລຍະສັ້ນ ຂອງອຸດສາຫະກຳຄວາມປອດໄພທາງໄຊເບີ ເພື່ອໃຫ້ຮູ້ວ່ານ້ຳໜັກຂອງອຸດສາຫະກຳໃນປັດຈຸບັນຢູ່ບ່ອນໃດ.
ຕົວເລັ່ງການປ່ຽນແປງໂລກທີ່ຈະເກີດຂຶ້ນໃນໄລຍະ 10 ປີນັບຈາກນີ້
ຣິກ ບອກວ່າ ການປ່ຽນແປງຢ່າງວ່ອງໄວ ແລະ ການເລັ່ງໃຊ້ເຕັກໂນໂລຊີເກີດໃໝ່ໃນມື້ນີ້ ລ້ວນເຊື່ອມໂຍງກັບເຕັກໂນໂລຊີທີ່ຈະເປັນກະແສຫຼັກ ໃນປີ 2030 ທັງລະບົບປັນຍາປະດິດ ຫຼື AI, ຄວາມແຜ່ຫຼາຍຂອງ 5G ແລະ ອຸປະກອນ IoT ທີ່ຈະມີຜົນໂດຍກົງກັບວິຖີຊີວິດຂອງຜູ້ຄົນໃນອີກ 10 ປີຂ້າງໜ້າ, Trend Micro ຈຶ່ງຈຳລອງສະຖານະການຂອງບຸກຄົນດ້ວຍວິໃສທັດຂອງບໍລິສັດຜ່ານຜູ້ຍິງທີ່ຊື່ ເຣດຊິນລາ (Resila).
ເຣດຊິນລາ ແລະ ຄອບຄົວອາໄສຢູ່ທີ່ໃຈກາງເມືອງ ນາງເຮັດວຽກຈາກບ້ານ ໃຊ້ອຸປະກອນສວມໃສ່ໄດ້ເພື່ອຕິດຕາມຂໍ້ມູນໂພສະນາການ ແລະ ໃຊ້ບໍລິການຮ້ານຄ້າຍ່ອຍ ລວມເຖິງບໍລິການສຸຂະພາບເຊັ່ນດຽວກັບຫຼາຍຄົນໃນເມືອງ.
ພຶດຕິກຳຂອງຜູ້ຄົນໃນຍຸກຂອງເຣດຊິນລາປ່ຽນໄປຈາກຄົນຍຸກນີ້ ເພາະທຸກຢ່າງຈະອຸດົມສົມບູນດ້ວຍເຊັນເຊີ (Sensor) ທີ່ເຊື່ອມຕໍ່ກັນ ເພື່ອຈັດການຂໍ້ມູນຕັ້ງແຕ່ເລື່ອງອາຫານ, ຮ້ານຂາຍເຄື່ອງແຫ້ງອອນລາຍ ລວມເຖິງປະສົບການການດື່ມດ່ຳກັບອາຫານຈາກລະບົບພິມ 3 ມິຕິທີ່ຈະເກີດຂຶ້ນທີ່ບ້ານ.
ໄຮເທັກກວ່າເກົ່າ
ຢູ່ທີ່ໂຮງຮຽນ ລູກຂອງເຣດຊິນລາຈະບໍ່ຈຳເປັນຕ້ອງຮຽນຮູ້ວິທີເຮັດ ຫຼື ການດຳເນີນການ ເພາະການສຶກສາໃນອະນາຄົດຈະເນັ້ນໜັກໄປທີ່ການປະຍຸກ ຫຼື ແປຮູບເປັນຫຼັກ ຫຼາຍກວ່າການຮຽນເພື່ອໃຫ້ໄດ້ຄວາມຮູ້ຄືກັບຍຸກນີ້.
ຍຸກຂອງເຣດຊິນລາຈະເດັ່ນເລື່ອງແອັບພິເຄຊັ່ນທາງການແພດທີ່ກ້າວໜ້າ ມີການກ່າວເຖິງເຊວດິຈິຕອນທີ່ມີອາຍຸຍືນກວ່າຄວາມຕາຍຂອງຄົນເຮົາ ມະນຸດດິຈິຕອນຍຸກໜ້າຈະມີອິດສະຫຼະຫຼາຍຂຶ້ນເລື້ອຍໆ ໂດຍສະເພາະເມື່ອໂລກທາງກາຍະພາບ ແລະ ໂລກດິຈິຕອນເຂົ້າໃກ້ກັນຫຼາຍຂຶ້ນ ທຸກຄົນຈະສາມາດມີສ່ວນຮ່ວມໃນພຶດຕິກຳທີ່ບໍ່ເໝາະສົມ ລວມເຖິງພຶດຕິກຳທາງອາຍາທີ່ອາດຈະເຮັດໃຫ້ເກີດຄວາມສູນເສຍ ນໍາໄປສູ່ການຮຽກຮ້ອງຢຽວຢາທາງກົດໝາຍທີ່ເຂັ້ມຂົ້ນຂຶ້ນເຣດຊິນລາເຮັດວຽກໃນບໍລິສັດພາກການຜະລິດ ຊຶ່ງເປັນພາກສ່ວນທີ່ງານ DevOps ຫຼື ທີມພັດທະນາ ແລະ ທີມປະຕິບັດການຈະຖືກປ່ຽນເປັນຮູບແບບ Design Operations (DesOps) ເພາະຄວາມຈຳເປັນຕ້ອງປັບແຕ່ງສາຍການຜະລິດຮູບແບບໃໝ່.
ຈຸດນີ້ຣິກມອງວ່າ ການແຜ່ລະບາດຄັ້ງໃຫຍ່ຍັງເຮັດໃຫ້ອົງກອນເຂົ້າສູ່ຫ່ວງໂສ້ອຸປະທານດ້ານການເບິ່ງແຍງສຸຂະພາບຢ່າງມີໃນສຳຄັນ ແລະ ມີການພັດທະນາພັດສະດຸທີ່ສ້ອມແປງຕົວເອງໄດ້ ເພື່ອໃຊ້ໃນງານໂຄງຂ່າຍຕັ້ງແຕ່ສາຍເຄເບິນໃນກົ້ນມະຫາສະໝຸດ ໄປຈົນເຖິງລະບົບສື່ສານຜ່ານດາວທຽມໃນສຸດຂອບອາວະກາດ.
‘ໂຄງສ້າງພື້ນຖານ ສະພາບແວດລ້ອມ ແລະ ເຕັກໂນໂລຊີການດຳເນີນງານລະດັບອົງກອນທັງໝົດທີ່ເປັນດິຈິຕອນ ລວມເຖິງການເປີດໃຊ້ງານເຄືືືືືອຂ່າຍ 5G ສ່ວນຕົວ ແມ່ນຈະຊ່ວຍໃຫ້ສາມາດບຳລຸງຮັກສາລະບົບໃນການປ້ອງກັນໄດ້ຢ່າງຖືກຕ້ອງ ແຕ່ພື້ນທີ່ການໂຈມຕີກໍ່ຂະຫຍາຍກວ້າງຂຶ້ນຢ່າງເຫັນໄດ້ຊັດເຈນ’ ຣິກ ໄດ້ກ່າວໄວ້.
ໃນຂະນະທີ່ໂລກອະນາຄົດຕ້ອງການລະບົບຢືນຢັນຕົວຕົນແບບ real-time, ໄພການໂຈລະກຳຊັບສິນທາງປັນຍາກໍ່ຈະຍັງເປັນບັນຫາຕໍ່ໄປຄືເກົ່າ, ອາດຈະນຳໄປສູ່ການກໍ່ກວນ ຫຼື ໂຈມຕີດ້ວຍຂໍ້ມູນ ຊຶ່ງໃນກໍລະນີທີ່ຮ້າຍແຮງທີ່ສຸດ ກໍ່ອາດຈະນຳໄປສູ່ການທໍາຮ້າຍຮ່າງກາຍໃນໂລກຄວາມຈິງ.
ສະຖານະການເຫຼົ່ານີ້ສະທ້ອນໃຫ້ເຫັນຄວາມກັງວົນຂອງຫນ່ວຍງານລັດໃນນິວຊານໂຈແບນ ທີ່ຈະຕ້ອງສັງລວມຂໍ້ມູນຈາກແຫຼ່ງຕ່າງໆ ເພື່ອປະໂຫຍດດ້ານສຸຂະພາບ ແລະ ຄວາມເປັນຢູ່ທີ່ດີຂອງພົນລະເມືອງ ເຖິງແມ່ນວ່າຈະມີການວິເຄາະ Big data ທີ່ຈູງໃຈໃຫ້ເກີດພຶດຕິກຳທີ່ດີໃນເມືອງອັດສະລິຍະ (Smart city) ແຕ່ສັງຄົມໃນພາບລວມອາດຈະມີຄວາມບໍ່ສະເໝີພາບສູງເພາະການເປັນສັງຄົມຂາດເງິນສົດ ລວມເຖິງສະກຸນເງິນດິຈິຕອນທີ່ມີໄວ້ໄດ້ແບບບໍ່ເປີດເຜີຍຕົວຕົນ ຊຶ່ງຍັງຕ້ອງຕິດຕາມຜົນກະທົບຂອງປະເດັນນີ້ໃນແງ່ໄພຄຸກຄາມທາງໄຊເບີ.
ໃນຍຸກທີ່ 5G ແຜ່ຫຼາຍ ໄພຄຸກຄາມວິດີໂອປອມ ຫຼື ວິດີໂອດັດແປງຈະເກີດຂຶ້ນໃນພາວະທີ່ສາທາລະນະຍອມຮັບເນື້ອຫາທີ່ສ້າງໂດຍ AI ຫຼາຍຂຶ້ນ ຍັງມີສະພາບແວດລ້ອມປະເພດ AR ແລະ VR ທີ່ຈະມີອິດທິພົນຫຼາຍຂຶ້ນ ທັງໝົດນີ້ສົ່ງຜົນໃຫ້ອາຊະຍາກໍາທາງໄຊເບີໃນຍຸກໜ້າແນບນຽນຫຼາຍຂຶ້ນ.
ດັ່ງນັ້ນ, ໄພຄຸກຄາມທາງໄຊເບີ ປີ 2030 ຈຶ່ງຍັງມີບາງສ່ວນທີ່ຄຸ້ນເຄີຍກັນດີໃນທຸກມື້ນີ້ ເຊັ່ນ: ການເຂົ້າເຖິງ ຫຼື ການບຸກລຸກໂດຍບໍ່ໄດ້ຮັບອະນຸຍາດ ແລະ ການຂັດຂວາງທາງກົດໝາຍ ໂດຍສະເພາະການຈັດການ, ການເປີດເຜີຍ ລວມເຖິງການນຳຂໍ້ມູນໄປໃຊ້ໃນທາງທີ່ຜິດ ຫຼື ໂດຍບໍ່ໄດ້ຮັບອະນຸຍາດ ຊຶ່ງໄພຄຸກຄາມເຫຼົ່ານີ້ອາດຈະເກີດຂຶ້ນພ້ອມກັນກໍ່ໄດ້.
***ແນບນຽນ ແລະ ຫຼົບຫຼີກເກັ່ງ
ໄພຄຸກຄາມທາງໄຊເບີໃນ ປີ 2030 ຈະມີຜົນກະທົບທີ່ໃຫຍ່ກວ່າໄພຄຸກຄາມໃນຍຸກ 2020 ສ່ວນຫນຶ່ງເປັນເພາະເຕັກໂນໂລຊີ Machine learning ກ້າວໜ້າເກີນໄປ ເຕັກນິກການສ້າງຄວາມສັບສົນຈຶ່ງພັດທະນາຕົວເອງໃຫ້ສູງຂຶ້ນຕາມຄວາມສາມາດຂອງ AI ໄປພ້ອມກັນ, ຈຸດນີ້ອາດຈະເຮັດໃຫ້ໄພຄຸກຄາມທາງໄຊເບີສາມາດຮຽນຮູ້ ແລະ ຫຼົບຫຼີກການດັກຈັບໄດ້ຢ່າງວ່ອງໄວ ເຮັດໃຫ້ການລະບຸແຫຼ່ງທີ່ມາຂອງອາຊະຍາກອນທາງໄຊເບີເຮັດໄດ້ຍາກຂຶ້ນເຊັ່ນກັນ.
ເມື່ອຖາມວ່າວິໄສທັດພາບລວມໄພຄຸກຄາມຄວາມປອດໄພທາງໄຊເບີ ໃນ 10 ປີຂ້າງຫນ້າທີ່ Trend Micro ປະເມີນໄວ້ ຈະເຮັດໃຫ້ເກີດຜົນກະທົບຫຍັງຫຼາຍທີ່ສຸດໃນພູມິພາກອາຊຽນ, Trend Micro ແນໃສ່ໄປທີ່ອົງກອນ ໂດຍອະທິບາຍວ່າ ໃນອີກ 10 ປີຈາກນີ້ ອົງກອນຫຼາຍກວ່າ 90% ຈະປັບລະບົບເປັນຄລາວ ເທິງພື້ນຖານທີ່ຕ້ອງຂັບເຄື່ອນທຸລະກິດໃຫ້ເຕີບໃຫຍ່ໂຕທັນກັບຍຸກໃນອະນາຄົດ. ດັ່ງນັ້ນ, ເມື່ອເຕັກໂນໂລຊີເປັນບົດບາດທີ່ສຳຄັນ ອົງກອນຈຶ່ງຕ້ອງວາງແຜນລະບົບຮັກສາຄວາມປອດໄພ ຫຼື Security Platform ໃຫ້ຮອບຄອບ ເພື່ອປ້ອງກັນໄພຄຸກຄາມທີ່ຈະເກີດຂຶ້ນຢ່າງບໍ່ທັນຕັ້ງຕົວໄດ້.
‘Security Platform ຈະມີບົດບາດສຳຄັນຫຼາຍຂຶ້ນໃນຍຸກໜ້າ ບໍ່ວ່າຈະເປັນສຳລັບອົງກອນທຸລະກິດ ຫຼື ສ່ວນຕົວຜູ້ບໍລິໂພກ, ຊຶ່ງປັດຈຸບັນ Trend Micro ມີການພັດທະນາໂຊລູຊັນ (Solution) Beyond Technology is Security Platform : VISION ONE’ Trend Micro ລະບຸໄວ້.
ສຳລັບ 3 ຕົວເລັ່ງທີ່ເຮັດໃຫ້ເກີດການເຕີບໃຫຍ່ຂອງຕະຫຼາດຄວາມປອດໄພ ຕັ້ງແຕ່ຕອນນີ້ເຖິງ 10 ປີຂ້າງໜ້າຄື ພາວະທີ່ມະນຸດເປັນຈຸດເລີ່ມຕົ້ນ ນໍາເຕັກໂນໂລຊີມາໃຊ້ດຳເນີນຊີວິດ ແລະ ທຸລະກິດຫຼາຍຂຶ້ນ ລວມເຖິງການເຮັດວຽກ ຫຼື ກິດຈະກຳອື່ນທີ່ສາມາດເຮັດຢູ່ໃສກໍ່ໄດ້ຂໍພຽງມີລະບົບສື່ສານ ແລະ ຄວາມຢືດຢຸ່ນຂອງການນຳເຄື່ອງມືມາໃຊ້ງານ ເພື່ອໃຫ້ເກີດຄວາມງ່າຍ ແລະ ວ່ອງໄວ.
ທັງ 3 ປັດໄຈ ເນັ້ນຢ້ຳວ່າຕະຫຼອດໄລຍະ 10 ປີນັບຈາກນີ້ ສິ່ງທີ່ຕ້ອງກຽມຄວາມພ້ອມ ແລະ ວາງແຜນຮັບມືລະບົບ Security Platform ທີ່ Trend Micro ແລະ ອີກຫຼາຍຜູ້ບໍລິການຈໍາໜ່າຍຢູ່ນັ້ນເອງ.
ເອກະສານອ້າງອີງ:
Meesaisak 29 August 2024 243 reads
Print
ເອວາ ເສີນ ແລະ ຣິກ ເຟີຣ໌ກູສັນ
ອາຊະຍາກໍາຄອມພິວເຕີ ປີ 2021 ວ່າຮ້າຍແຮງແລ້ວ ແຕ່ອີກ 10 ປີ ຂ້າງໜ້າ ໄພຄຸກຄາມທາງໄຊເບີຈະຍິ່ງຮ້າຍແຮງຂຶ້ນຕື່ມອີກ ເປັນສັນຍານວ່າທຸກຄົນທຸກຝ່າຍຄວນປັບຕົວ ເພື່ອຮັບມືກັບໂລກທີ່ມີສະຖານະການດັ່ງກ່າວ.
ຣິກ ເຟີຣ໌ກູສັນ (Rik Ferguson) ຮອງປະທານຝ່າຍວິໄຈຄວາມປອດໄພຂອງບໍລິສັດ Trend Micro ໃຊ້ເວລາ 10 ນາທີໃນງານ Trend Micro Perspectives 2021 ອະທິບາຍພາບລວມ ຂອງໄພໄຊເບີ ປີ 2030 ໄດ້ຢ່າງຕື່ນຕາຕື່ນໃຈ ຜ່ານເນື້ອຫາຈາກໂຄງການວິໄຈຫຼ້າສຸດທີ່ເຮັດຂຶ້ນມາ ເພື່ອໃຫ້ທຸກອົງກອນ ແລະ ທຸກປະເທດສາມາດເບິ່ງເຫັນ, ນໍາທັນ ແລະ ວາງແຜນໃນໄລຍະຍາວໄດ້ທັນການ.
ໂຄງການນີ້ມີຊື່ວ່າ Project 2030 ຊຶ່ງເປັນພາກຕໍ່ຫຼັງຈາກທີ່ Trend Micro ເຄີຍສະແດງລາຍງານ Project 2020 ໃນປີ 2012 ທີ່ຖືກຕ້ອງຫຼາຍເລື່ອງມາແລ້ວ ຄວາມໜ້າສົນໃຈຂອງໂຄງການໃໝ່ຍັງກ່ຽວຂ້ອງໂດຍກົງກັບສະຖິຕິ ໃນປີ 2020 ທີ່ Trend Micro ຊີ້ໃຫ້ເຫັນວ່າສຳນັກງານ FBI ຂອງສະຫາລັດອາເມລິກາໄດ້ຮັບການຮ້ອງຮຽນຫຼາຍກວ່າ 2,000 ເລື່ອງທຸກມື້ ກ່ຽວກັບອາຊະຍາກໍາທາງອິນເຕີເນັດ.
ຈຳນວນຂໍຮ້ອງຮຽນທີ່ເພີ່ມຂຶ້ນ 69% ເມື່ອທຽບເປັນລາຍປີ ໂດຍຄິດເປັນຄວາມເສຍຫາຍທັງໝົດເຖິງ 4,200 ລ້ານດອນລາສະຫາລັດ ຫຼື ປະມານຫຼາຍກວ່າ 93 ຕື້ຕື້ກີບ ສະຖິຕິທັງໝົດມີແນວໂນ້ມເພີ່ມຂຶ້ນອີກຕໍ່ເນື່ອງຕະຫຼອດ 10 ປີນັບຈາກນີ້.
ເອວາ ເສີນ ຜູ້ຮ່ວມກໍ່ຕັ້ງ ແລະ ປະທານເຈົ້າຫນ້າທີ່ບໍລິຫານ Trend Micro ຢ້ຳເຖິງຄວາມສຳຄັນທີ່ທຸກຄົນຈະຕ້ອງລະວັງຕົວຢ່າງເລັ່ງດ່ວນ ໂດຍບອກວ່ານາທີນີ້ອາຊະຍາກອນໄຊເບີຍັງໂຈມຕີຫຼາຍຂຶ້ນ ເພາະໃນປີ 2020 ຂະບວນການມັນແວຮຽກຄ່າໄຖ່ (Ransomware) ເພີ່ມຂຶ້ນ 34% ແລະ ພາກສ່ວນທຸລະກິດທີ່ໄດ້ຮັບຜົນກະທົບສູງສຸດຄື ລັດຖະບານ, ການທະນາຄານ, ການຜະລິດ, ການເບິ່ງແຍງສຸຂະພາບ, ການເງິນ, ການສຶກສາ, ເຕັກໂນໂລຊີ, ອາຫານ ແລະ ເຄື່ອງດື່ມ, ນໍ້າມັນ ແລະ ແກສ ລວມເຖິງການປະກັນໄພ ຕາມລຳດັບ.
ນອກຈາກນີ້, ການປ່ຽນແປງໂຄງສ້າງພື້ນຖານ ແລະ ພຶດຕິກຳຂອງຜູ້ໃຊ້ລ້ວນແຕ່ກຳລັງກໍ່ໃຫ້ເກີດໄພຄຸກຄາມທາງໄຊເບີ ໂດຍສະເພາະການໃຊ້ຄລາວ (Cloud Computing) ທີ່ອົງກອນຄວນຕ້ອງໃຊ້ເຄື່ອງມືປ້ອງກັນທີ່ອອກແບບມາສະເພາະທາງ ສຳລັບສະຖາປັດຕະຍາກໍາການປະມວນຜົນແບບຄລາວ.
ກະກຽມຍຸດທະສາດໄລຍະຍາວ
Project 2030 ທີ່ ຣິກ ເຟີຣ໌ກູສັນ ນໍາມາເລົ່ານັ້ນ ບໍ່ໄດ້ເນັ້ນທຳນາຍອະນາຄົດຂອງໄພຄຸກຄາມທາງໄຊເບີໃນປະເທດໃດປະເທດໜຶ່ງ ແຕ່ໃຊ້ວິທີຄາດການໃນເມືອງສົມມຸດ ນັ້ນຄືເມືອງນິວຊານໂຈແບນ (New San Joban) ທີ່ຈະເປັນພື້ນທີ່ສົມມຸດ ຊຶ່ງລວມສະຖານະການຈາກການປະເມີນພື້ນຖານໄພຄຸກຄາມ ແລະ ອາຊະຍາກອນໄຊເບີໃນປັດຈຸບັນ ລວມເຖິງຄຸນສົມບັດຫຼັກອື່ນໆຂອງລະບົບແວດລ້ອມສຳລັບການຮັກສາຄວາມປອດໄພທາງໄຊເບີ.
‘ເຮົາໃຊ້ຂໍ້ມູນຂອງອົງກອນລະຫວ່າງປະເທດເຊັ່ນ: ຕຳຫຼວດສາກົນ, ອົງການສະຫະປະຊາຊາດ, ລວມເຖິງໄພຄຸກຄາມທາງໄຊເບີທີ່ກ່ຽວຂ້ອງກັບໂຄວິດ-19 ຂະຫຍາຍໄປນອກເໜືອຈາກອາຊະຍາກໍາທາງອິນເຕີເນັດ ທີ່ມີແຮງຈູງໃຈທາງການເງິນຮ່ວມກັບການຄາດການໄລຍະສັ້ນ ຂອງອຸດສາຫະກຳຄວາມປອດໄພທາງໄຊເບີ ເພື່ອໃຫ້ຮູ້ວ່ານ້ຳໜັກຂອງອຸດສາຫະກຳໃນປັດຈຸບັນຢູ່ບ່ອນໃດ.ຕົວເລັ່ງການປ່ຽນແປງໂລກທີ່ຈະເກີດຂຶ້ນໃນໄລຍະ 10 ປີນັບຈາກນີ້
ຣິກ ບອກວ່າ ການປ່ຽນແປງຢ່າງວ່ອງໄວ ແລະ ການເລັ່ງໃຊ້ເຕັກໂນໂລຊີເກີດໃໝ່ໃນມື້ນີ້ ລ້ວນເຊື່ອມໂຍງກັບເຕັກໂນໂລຊີທີ່ຈະເປັນກະແສຫຼັກ ໃນປີ 2030 ທັງລະບົບປັນຍາປະດິດ ຫຼື AI, ຄວາມແຜ່ຫຼາຍຂອງ 5G ແລະ ອຸປະກອນ IoT ທີ່ຈະມີຜົນໂດຍກົງກັບວິຖີຊີວິດຂອງຜູ້ຄົນໃນອີກ 10 ປີຂ້າງໜ້າ, Trend Micro ຈຶ່ງຈຳລອງສະຖານະການຂອງບຸກຄົນດ້ວຍວິໃສທັດຂອງບໍລິສັດຜ່ານຜູ້ຍິງທີ່ຊື່ ເຣດຊິນລາ (Resila).
ເຣດຊິນລາ ແລະ ຄອບຄົວອາໄສຢູ່ທີ່ໃຈກາງເມືອງ ນາງເຮັດວຽກຈາກບ້ານ ໃຊ້ອຸປະກອນສວມໃສ່ໄດ້ເພື່ອຕິດຕາມຂໍ້ມູນໂພສະນາການ ແລະ ໃຊ້ບໍລິການຮ້ານຄ້າຍ່ອຍ ລວມເຖິງບໍລິການສຸຂະພາບເຊັ່ນດຽວກັບຫຼາຍຄົນໃນເມືອງ.
ພຶດຕິກຳຂອງຜູ້ຄົນໃນຍຸກຂອງເຣດຊິນລາປ່ຽນໄປຈາກຄົນຍຸກນີ້ ເພາະທຸກຢ່າງຈະອຸດົມສົມບູນດ້ວຍເຊັນເຊີ (Sensor) ທີ່ເຊື່ອມຕໍ່ກັນ ເພື່ອຈັດການຂໍ້ມູນຕັ້ງແຕ່ເລື່ອງອາຫານ, ຮ້ານຂາຍເຄື່ອງແຫ້ງອອນລາຍ ລວມເຖິງປະສົບການການດື່ມດ່ຳກັບອາຫານຈາກລະບົບພິມ 3 ມິຕິທີ່ຈະເກີດຂຶ້ນທີ່ບ້ານ.
ໄຮເທັກກວ່າເກົ່າ
ຢູ່ທີ່ໂຮງຮຽນ ລູກຂອງເຣດຊິນລາຈະບໍ່ຈຳເປັນຕ້ອງຮຽນຮູ້ວິທີເຮັດ ຫຼື ການດຳເນີນການ ເພາະການສຶກສາໃນອະນາຄົດຈະເນັ້ນໜັກໄປທີ່ການປະຍຸກ ຫຼື ແປຮູບເປັນຫຼັກ ຫຼາຍກວ່າການຮຽນເພື່ອໃຫ້ໄດ້ຄວາມຮູ້ຄືກັບຍຸກນີ້.
ຍຸກຂອງເຣດຊິນລາຈະເດັ່ນເລື່ອງແອັບພິເຄຊັ່ນທາງການແພດທີ່ກ້າວໜ້າ ມີການກ່າວເຖິງເຊວດິຈິຕອນທີ່ມີອາຍຸຍືນກວ່າຄວາມຕາຍຂອງຄົນເຮົາ ມະນຸດດິຈິຕອນຍຸກໜ້າຈະມີອິດສະຫຼະຫຼາຍຂຶ້ນເລື້ອຍໆ ໂດຍສະເພາະເມື່ອໂລກທາງກາຍະພາບ ແລະ ໂລກດິຈິຕອນເຂົ້າໃກ້ກັນຫຼາຍຂຶ້ນ ທຸກຄົນຈະສາມາດມີສ່ວນຮ່ວມໃນພຶດຕິກຳທີ່ບໍ່ເໝາະສົມ ລວມເຖິງພຶດຕິກຳທາງອາຍາທີ່ອາດຈະເຮັດໃຫ້ເກີດຄວາມສູນເສຍ ນໍາໄປສູ່ການຮຽກຮ້ອງຢຽວຢາທາງກົດໝາຍທີ່ເຂັ້ມຂົ້ນຂຶ້ນເຣດຊິນລາເຮັດວຽກໃນບໍລິສັດພາກການຜະລິດ ຊຶ່ງເປັນພາກສ່ວນທີ່ງານ DevOps ຫຼື ທີມພັດທະນາ ແລະ ທີມປະຕິບັດການຈະຖືກປ່ຽນເປັນຮູບແບບ Design Operations (DesOps) ເພາະຄວາມຈຳເປັນຕ້ອງປັບແຕ່ງສາຍການຜະລິດຮູບແບບໃໝ່.
ຈຸດນີ້ຣິກມອງວ່າ ການແຜ່ລະບາດຄັ້ງໃຫຍ່ຍັງເຮັດໃຫ້ອົງກອນເຂົ້າສູ່ຫ່ວງໂສ້ອຸປະທານດ້ານການເບິ່ງແຍງສຸຂະພາບຢ່າງມີໃນສຳຄັນ ແລະ ມີການພັດທະນາພັດສະດຸທີ່ສ້ອມແປງຕົວເອງໄດ້ ເພື່ອໃຊ້ໃນງານໂຄງຂ່າຍຕັ້ງແຕ່ສາຍເຄເບິນໃນກົ້ນມະຫາສະໝຸດ ໄປຈົນເຖິງລະບົບສື່ສານຜ່ານດາວທຽມໃນສຸດຂອບອາວະກາດ.
‘ໂຄງສ້າງພື້ນຖານ ສະພາບແວດລ້ອມ ແລະ ເຕັກໂນໂລຊີການດຳເນີນງານລະດັບອົງກອນທັງໝົດທີ່ເປັນດິຈິຕອນ ລວມເຖິງການເປີດໃຊ້ງານເຄືືືືືອຂ່າຍ 5G ສ່ວນຕົວ ແມ່ນຈະຊ່ວຍໃຫ້ສາມາດບຳລຸງຮັກສາລະບົບໃນການປ້ອງກັນໄດ້ຢ່າງຖືກຕ້ອງ ແຕ່ພື້ນທີ່ການໂຈມຕີກໍ່ຂະຫຍາຍກວ້າງຂຶ້ນຢ່າງເຫັນໄດ້ຊັດເຈນ’ ຣິກ ໄດ້ກ່າວໄວ້.
ໃນຂະນະທີ່ໂລກອະນາຄົດຕ້ອງການລະບົບຢືນຢັນຕົວຕົນແບບ real-time, ໄພການໂຈລະກຳຊັບສິນທາງປັນຍາກໍ່ຈະຍັງເປັນບັນຫາຕໍ່ໄປຄືເກົ່າ, ອາດຈະນຳໄປສູ່ການກໍ່ກວນ ຫຼື ໂຈມຕີດ້ວຍຂໍ້ມູນ ຊຶ່ງໃນກໍລະນີທີ່ຮ້າຍແຮງທີ່ສຸດ ກໍ່ອາດຈະນຳໄປສູ່ການທໍາຮ້າຍຮ່າງກາຍໃນໂລກຄວາມຈິງ.
ສະຖານະການເຫຼົ່ານີ້ສະທ້ອນໃຫ້ເຫັນຄວາມກັງວົນຂອງຫນ່ວຍງານລັດໃນນິວຊານໂຈແບນ ທີ່ຈະຕ້ອງສັງລວມຂໍ້ມູນຈາກແຫຼ່ງຕ່າງໆ ເພື່ອປະໂຫຍດດ້ານສຸຂະພາບ ແລະ ຄວາມເປັນຢູ່ທີ່ດີຂອງພົນລະເມືອງ ເຖິງແມ່ນວ່າຈະມີການວິເຄາະ Big data ທີ່ຈູງໃຈໃຫ້ເກີດພຶດຕິກຳທີ່ດີໃນເມືອງອັດສະລິຍະ (Smart city) ແຕ່ສັງຄົມໃນພາບລວມອາດຈະມີຄວາມບໍ່ສະເໝີພາບສູງເພາະການເປັນສັງຄົມຂາດເງິນສົດ ລວມເຖິງສະກຸນເງິນດິຈິຕອນທີ່ມີໄວ້ໄດ້ແບບບໍ່ເປີດເຜີຍຕົວຕົນ ຊຶ່ງຍັງຕ້ອງຕິດຕາມຜົນກະທົບຂອງປະເດັນນີ້ໃນແງ່ໄພຄຸກຄາມທາງໄຊເບີ.
ໃນຍຸກທີ່ 5G ແຜ່ຫຼາຍ ໄພຄຸກຄາມວິດີໂອປອມ ຫຼື ວິດີໂອດັດແປງຈະເກີດຂຶ້ນໃນພາວະທີ່ສາທາລະນະຍອມຮັບເນື້ອຫາທີ່ສ້າງໂດຍ AI ຫຼາຍຂຶ້ນ ຍັງມີສະພາບແວດລ້ອມປະເພດ AR ແລະ VR ທີ່ຈະມີອິດທິພົນຫຼາຍຂຶ້ນ ທັງໝົດນີ້ສົ່ງຜົນໃຫ້ອາຊະຍາກໍາທາງໄຊເບີໃນຍຸກໜ້າແນບນຽນຫຼາຍຂຶ້ນ.ດັ່ງນັ້ນ, ໄພຄຸກຄາມທາງໄຊເບີ ປີ 2030 ຈຶ່ງຍັງມີບາງສ່ວນທີ່ຄຸ້ນເຄີຍກັນດີໃນທຸກມື້ນີ້ ເຊັ່ນ: ການເຂົ້າເຖິງ ຫຼື ການບຸກລຸກໂດຍບໍ່ໄດ້ຮັບອະນຸຍາດ ແລະ ການຂັດຂວາງທາງກົດໝາຍ ໂດຍສະເພາະການຈັດການ, ການເປີດເຜີຍ ລວມເຖິງການນຳຂໍ້ມູນໄປໃຊ້ໃນທາງທີ່ຜິດ ຫຼື ໂດຍບໍ່ໄດ້ຮັບອະນຸຍາດ ຊຶ່ງໄພຄຸກຄາມເຫຼົ່ານີ້ອາດຈະເກີດຂຶ້ນພ້ອມກັນກໍ່ໄດ້.
***ແນບນຽນ ແລະ ຫຼົບຫຼີກເກັ່ງ
ໄພຄຸກຄາມທາງໄຊເບີໃນ ປີ 2030 ຈະມີຜົນກະທົບທີ່ໃຫຍ່ກວ່າໄພຄຸກຄາມໃນຍຸກ 2020 ສ່ວນຫນຶ່ງເປັນເພາະເຕັກໂນໂລຊີ Machine learning ກ້າວໜ້າເກີນໄປ ເຕັກນິກການສ້າງຄວາມສັບສົນຈຶ່ງພັດທະນາຕົວເອງໃຫ້ສູງຂຶ້ນຕາມຄວາມສາມາດຂອງ AI ໄປພ້ອມກັນ, ຈຸດນີ້ອາດຈະເຮັດໃຫ້ໄພຄຸກຄາມທາງໄຊເບີສາມາດຮຽນຮູ້ ແລະ ຫຼົບຫຼີກການດັກຈັບໄດ້ຢ່າງວ່ອງໄວ ເຮັດໃຫ້ການລະບຸແຫຼ່ງທີ່ມາຂອງອາຊະຍາກອນທາງໄຊເບີເຮັດໄດ້ຍາກຂຶ້ນເຊັ່ນກັນ.
ເມື່ອຖາມວ່າວິໄສທັດພາບລວມໄພຄຸກຄາມຄວາມປອດໄພທາງໄຊເບີ ໃນ 10 ປີຂ້າງຫນ້າທີ່ Trend Micro ປະເມີນໄວ້ ຈະເຮັດໃຫ້ເກີດຜົນກະທົບຫຍັງຫຼາຍທີ່ສຸດໃນພູມິພາກອາຊຽນ, Trend Micro ແນໃສ່ໄປທີ່ອົງກອນ ໂດຍອະທິບາຍວ່າ ໃນອີກ 10 ປີຈາກນີ້ ອົງກອນຫຼາຍກວ່າ 90% ຈະປັບລະບົບເປັນຄລາວ ເທິງພື້ນຖານທີ່ຕ້ອງຂັບເຄື່ອນທຸລະກິດໃຫ້ເຕີບໃຫຍ່ໂຕທັນກັບຍຸກໃນອະນາຄົດ. ດັ່ງນັ້ນ, ເມື່ອເຕັກໂນໂລຊີເປັນບົດບາດທີ່ສຳຄັນ ອົງກອນຈຶ່ງຕ້ອງວາງແຜນລະບົບຮັກສາຄວາມປອດໄພ ຫຼື Security Platform ໃຫ້ຮອບຄອບ ເພື່ອປ້ອງກັນໄພຄຸກຄາມທີ່ຈະເກີດຂຶ້ນຢ່າງບໍ່ທັນຕັ້ງຕົວໄດ້.
‘Security Platform ຈະມີບົດບາດສຳຄັນຫຼາຍຂຶ້ນໃນຍຸກໜ້າ ບໍ່ວ່າຈະເປັນສຳລັບອົງກອນທຸລະກິດ ຫຼື ສ່ວນຕົວຜູ້ບໍລິໂພກ, ຊຶ່ງປັດຈຸບັນ Trend Micro ມີການພັດທະນາໂຊລູຊັນ (Solution) Beyond Technology is Security Platform : VISION ONE’ Trend Micro ລະບຸໄວ້.
ສຳລັບ 3 ຕົວເລັ່ງທີ່ເຮັດໃຫ້ເກີດການເຕີບໃຫຍ່ຂອງຕະຫຼາດຄວາມປອດໄພ ຕັ້ງແຕ່ຕອນນີ້ເຖິງ 10 ປີຂ້າງໜ້າຄື ພາວະທີ່ມະນຸດເປັນຈຸດເລີ່ມຕົ້ນ ນໍາເຕັກໂນໂລຊີມາໃຊ້ດຳເນີນຊີວິດ ແລະ ທຸລະກິດຫຼາຍຂຶ້ນ ລວມເຖິງການເຮັດວຽກ ຫຼື ກິດຈະກຳອື່ນທີ່ສາມາດເຮັດຢູ່ໃສກໍ່ໄດ້ຂໍພຽງມີລະບົບສື່ສານ ແລະ ຄວາມຢືດຢຸ່ນຂອງການນຳເຄື່ອງມືມາໃຊ້ງານ ເພື່ອໃຫ້ເກີດຄວາມງ່າຍ ແລະ ວ່ອງໄວ.
ທັງ 3 ປັດໄຈ ເນັ້ນຢ້ຳວ່າຕະຫຼອດໄລຍະ 10 ປີນັບຈາກນີ້ ສິ່ງທີ່ຕ້ອງກຽມຄວາມພ້ອມ ແລະ ວາງແຜນຮັບມືລະບົບ Security Platform ທີ່ Trend Micro ແລະ ອີກຫຼາຍຜູ້ບໍລິການຈໍາໜ່າຍຢູ່ນັ້ນເອງ.
ເອກະສານອ້າງອີງ:
